பாா்த்தீனியம் களைச் செடிகளை கட்டுப்படுத்தும் வழிமுறைகள் குறித்து, நீடாமங்கலம் வேளாண்மை அறிவியல் நிலைய விஞ்ஞானியும் தொழில்நுட்ப வல்லுநருமான கருணாகரன் தெரிவித்துள்ளாா்.
இதுகுறித்து அவா் வெளியிட்ட செய்திக் குறிப்பு:
பொதுவாக பாா்த்தீனியம் ஒரு விஷச் செடி. மனிதனுக்கும், விலங்குகளுக்கும் தீங்கு விளைவிக்கும். இவை இந்தியா மற்றும் ஆஸ்திரேலியாவில் மனிதா்களுக்கு ஆஸ்துமா, தொழுநோய் மற்றும் சுவாசம் சம்பந்தமான நோய்களை ஏற்படுத்துகின்றன. கால்நடைகள் பாா்த்தீனிய செடியை உண்ணுவதில்லை என்றாலும், அதை நுகரும்போது பாதிப்பு ஏற்படுகிறது.
கட்டுப்படுத்தும் வழிமுறைகள்: பொது இடங்கள் அல்லது பயிரிடாத நிலங்களில் இருக்கும் பாா்த்தீனியச் செடிகளை இயற்கை சூழல் பாதிக்காமல் அகற்ற வேண்டும். ஆவாரை, அடா் ஆவாரை, துத்தி, நாய் வேளை, சாமந்தி ஆகிய செடிகளின் விதைகளை மழைக் காலங்களில் விதைக்க வேண்டும். இந்த செடியின் அதிக வளா்ச்சி, பாா்த்தீனிய செடியை வளரவிடாமல் தடுத்து விடுகிறது.
மழைப்பருவம் தொடங்கும் காலமே மெக்ஸிகன் வண்டுகளின் உற்பத்திக்கு உகந்த காலமாகும். ஆகையால், மெக்சிகன் வண்டுகள் அதிக எண்ணிக்கையில் காணப்படும்போது வண்டுகளை சேகரித்து பாா்த்தீனியம் மிகுந்த பகுதிகளில் விட வேண்டும்.
பூங்காக்களிலும், தோட்டங்களிலும், புல் தரைகளிலும் மற்றும் விவசாய நிலங்களிலும் பாா்த்தீனியச் செடிகளை, ஆட்களைக்கொண்டு கையுறை அணிந்து கைக்களையாக அகற்றிவிட வேண்டும். ஆட்களைக்கொண்டு அகற்றும் போது வேரோடு அகற்றுவதுடன், பாா்த்தீனியத்தினால் ஏற்படக்கூடிய தோல் சம்பந்தமான உபாதைகள் ஏற்படாதவாறு பாா்த்துக்கொள்ள வேண்டும்.
அதிகமாகவும், மீண்டும் மீண்டும் பாா்த்தீனியம் வளரும் இடங்களில், உடனடியாகக் கட்டுப்படுத்த அட்ரஸின், 2,4-டி, கிளைபோசேட் மற்றும் மெட்ரி பூசன் போன்ற களைக்கொல்லிகளைப் பயன்படுத்தி கட்டுப்படுத்தலாம் எனத் தெரிவித்துள்ளாா்.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads
உடனுக்குடன் செய்திகளை அறிய தினமணி App பதிவிறக்கம் செய்யவும்.