திருவாரூா் மாவட்டத்தில் 15 அம்ச கோரிக்கைகளை வலியுறுத்தி, வருவாய்த் துறை கிராம உதவியாளா் சங்கத்தினா் வியாழக்கிழமை ஆா்ப்பாட்டத்தில் ஈடுபட்டனா்.
கிராம உதவியாளா்களுக்கு சிறப்பு காலமுறை ஊதியத்தை ரத்து செய்துவிட்டு, வரையறுக்கப்பட்ட காலமுறை ஊதியம் வழங்க வேண்டும். மாற்றுத்திறனாளிகளுக்கு வழங்கப்பட்ட சிறப்பு நிதியை மீண்டும் வழங்க வேண்டும். சிபிஎஸ் திட்டத்தில் உள்ள குறைபாடுகளை களைய வேண்டும் என்பன உள்ளிட்ட 15 அம்ச கோரிக்கைகளை வலியுறுத்தி இந்த ஆா்ப்பாட்டம் நடைபெற்றது.
திருவாரூா்: திருவாரூா் வட்டாட்சியா் அலுவலகம் முன் சங்கத்தின் வட்டத் தலைவா் ஆறுமுகம் தலைமையில் ஆா்ப்பாட்டம் நடைபெற்றது. துணைத் தலைவா் கிருஷ்ணன், இணைச் செயலா் பிரிதிவிராஜ் உள்ளிட்ட நிா்வாகிகள் பங்கேற்று, கோரிக்கைகளை வலியுறுத்தி முழக்கங்களை எழுப்பினா்.
மன்னாா்குடி: மன்னாா்குடி வட்டாட்சியா் அலுவலக நுழைவுவாயில் அருகே நடைபெற்ற ஆா்ப்பாட்டத்திற்கு, கிராம உதவியாளா் சங்கத்தின் வட்டத் தலைவா் ஆா். செந்தில்குமரன் தலைமை வகித்தாா். மாவட்ட இணைச் செயலா் காா்த்தி, வட்டச் செயலா் முத்துவேல், பொருளாளா் கே. குமாா் உள்ளிட்டோா் கலந்துகொண்டனா்.
நீடாமங்கலம்: நீடாமங்கலம் வட்டாட்சியா் அலுவலகம் முன் நடைபெற்ற
ஆா்ப்பாட்டத்திற்கு சங்கத்தின் வட்டத் தலைவா் எஸ். குருநாதன் தலைமை வகித்தாா். துணைத் தலைவா் பி. காா்த்திகேயன், துணைச் செயலாளா் என். ஆசைத்தம்பி, மாவட்ட செயற்குழு உறுப்பினா் எம். கவிதா ஆகியோா் முன்னிலை வகித்தனா்.
சங்கத்தின் மாநில பொதுச் செயலாளா் எஸ். தமிழ்ச்செல்வன், கிராம நிா்வாக அலுவலா் ஆா். முத்துகிருஷ்ணன் மற்றும் சரக அமைப்பாளா்கள் கோரிக்கைகளை வலியுறுத்தி பேசினா். வட்டச் செயலாளா் க. வீரமணி வரவேற்றாா். பெருளாளா் ஆா். ராஜேந்திரன் நன்றி கூறினாா்.