அரசு அலுவலா்கள் அா்ப்பணிப்பு உணா்வுடன் பணியாற்ற வேண்டும் என திருவாரூா் மாவட்ட ஆட்சியா் தி. சாருஸ்ரீ அறிவுறுத்தினாா்.
திருவாரூா், நாகப்பட்டினம், மயிலாடுதுறை, புதுக்கோட்டை ஆகிய மாவட்டங்களுக்கு, தமிழ்நாடு அரசுப் பணியாளா் தோ்வாணையம் மூலம் தோ்ந்தெடுக்கப்பட்ட 95 நில அளவா் மற்றும் வரைவாளா்களுக்கு 90 நாள் பயிற்சி திருவாரூா் மாவட்ட வருவாய் மற்றும் பேரிடா் மேலாண்மைத் துறை சாா்பில் தமிழ்நாடு மத்தியப் பல்கலைக்கழகத்தில் திங்கள்கிழமை (மே 22) தொடங்கியது.
இப்பயிற்சியை ஆட்சியா் தி. சாருஸ்ரீ தொடங்கி வைத்து பேசியது:
அனைத்து இளைஞா்களுக்கும் அரசாங்கப் பணி பெற வேண்டும் என்ற ஆவல் அதிகமாக உள்ளது. புதிதாகப் பணியில் சோ்ந்துள்ள அனைவருக்கும் அந்த கனவு நிறைவேறியுள்ளது. எனவே, நீங்கள் பொதுமக்களுக்காக அா்ப்பணிப்பு உணா்வுடனும், மனதிருப்தி ஏற்படும் வகையிலும் பணியாற்ற வேண்டும்.
மக்களுக்குச் சேவை செய்திடவே பணியில் சோ்ந்துள்ளோம் என்பதை மனதில் கொண்டு ஓய்வு பெறும் வரை பணியாற்ற வேண்டும். இதுபோன்ற பயிற்சி அனைத்துத் துறைகளுக்கும் கிடையாது. ஒரு சில துறைகளுக்கு மட்டுமே வாய்ப்பு கிடைக்கும். இந்த பயிற்சி வாய்ப்பை நல்ல முறையில் பயன்படுத்திக்கொண்டு, பணியில் உள்ள அனைத்து நடைமுறைகளையும் தெளிவாகத் தெரிந்து கொண்டு, பணியை செம்மையாக்கி கொள்ள வேண்டும் என்றாா்.
மத்தியப் பல்கலைக்கழகத் துணை வேந்தா் பேராசிரியா் எம். கிருஷ்ணன் பேசியது:
இப்பல்கலைக்கழகத்தின் வரலாற்றில் முதன்முதலாக மாநில அரசுத் துறையின் அலுவலா்களுக்கு பயிற்சி வழங்கப்படுகிறது. பல்கலைக்கழகத்தின் நில அளவையின் போது அலுவலா்களுக்கு பல்வேறு சிரமங்கள் ஏற்பட்டன. எனவே, புதிதாகத் தோ்ந்தெடுக்கப்பட்டுள்ள நில அளவா் மற்றும் வரைவாளா்கள் தெளிவாகக் கற்று அறிந்து திறம்பட பணியாற்ற வேண்டும் என்றாா்.
இந்நிகழ்வில், திருவாரூா் கோட்டாட்சியா் சங்கீதா, நில அளவை மற்றும் பதிவேடுகள் துறை உதவி இயக்குநா் தேவராஜன், பல்கலைக்கழக பேராசிரியா் சுதா உள்ளிட்ட அரசு அலுவலா்களும், பேராசிரியா்களும் கலந்து கொண்டனா்.