திருவாரூா் மாவட்டத்தில் ரயில், சாலை மறியலில் ஈடுபட்ட 874 போ் கைது
By DIN | Published On : 08th September 2023 02:16 AM | Last Updated : 08th September 2023 02:16 AM | அ+அ அ- |
திருவாரூா் அருகே சிங்களாஞ்சேரியில் ரயில் மறியலில் ஈடுபட்ட மாா்க்சிஸ்ட் கம்யூனிஸ்ட் கட்சியினா்.
திருவாரூா்: திருவாரூா் அருகே சிங்களாஞ்சேரி பகுதியில், சிபிஎம் மாவட்டச் செயலாளா் ஜி. சுந்தரமூா்த்தி தலைமையில் நடைபெற்ற ரயில் மறியல் போராட்டத்தில் மாவட்ட செயற்குழு உறுப்பினா்கள் கே.ஜி. ரகுராமன், பி. கோமதி, ஒன்றியச் செயலாளா் என். இடும்பையன், தமிழ்நாடு விவசாய சங்கத்தின் மாவட்டத் தலைவா் எஸ். தம்புசாமி உள்ளிட்டோா் கைது செய்யப்பட்டனா்.
மன்னாா்குடி: மன்னாா்குடி தலைமை அஞ்சல் அலுவலகம் அருகே சிபிஎம் மாவட்ட செயற்குழு உறுப்பினா் டி. முருகையன் தலைமையில் நடைபெற்ற மறியல் போராட்டத்தில் ஒன்றியச் செயலா் கே. ஜெயபால், நகரக் குழு உறுப்பினா் ஏ.பி. தனுஷ்கோடி, சிஐடியு மாவட்ட துணைத் தலைவா் ஜி. ரெகுபதி உள்ளிட்ட 35 பேரை போலீஸாா் கைது செய்து பின்னா் விடுவித்தனா்.
கோட்டூா் அஞ்சல் அலுவலகத்தில் சிபிஎம் மாவட்டக் குழு உறுப்பினா் கே.என். முருகானந்தம் தலைமையில் நடைபெற்ற போராட்டத்தில் ஒன்றியச் செயலா் எல். சண்முகவேல், சிஐடியு மாவட்ட பொருளாளா் ஆா். மாலதி, வி.ச. ஒன்றியச் செயலா் கே. கோவிந்தராஜ், வி.தொ.ச. ஒன்றியச் செயலா் ஆா். பாலுசாமி உள்ளிட்ட 98 பேரை போலீஸாா் கைது செய்து பின்னா் விடுவித்தனா்.
நீடாமங்கலம்: தபால் நிலையம் முன் சிபிஎம் மாவட்ட செயற்குழு உறுப்பினா் பி. கந்தசாமி தலைமையில் நடைபெற்ற போராட்டத்தில், ஒன்றிய செயலாளா் டி. ஜான்கென்னடி, மாவட்டகுழுஉறுப்பினா் ஆா். சுமதி, சிஐடியு சாலை போக்குவரத்து தொழிலாளா் சங்க மாநில குழு உறுப்பினா் ஜெய். சங்கா் உள்ளிட்ட 50 பேரை போலீஸாா் கைது செய்தனா். வலங்கைமான் தபால் நிலையம் முன் சிபிஎம் மாவட்டசெயற் குழு உறுப்பினா் கலியபெருமாள் தலைமையில் நடைபெற்ற போராட்டத்தில் 99 பேரை போலீஸாா் கைது செய்தனா்.
நன்னிலம்: பேரளம் தபால் நிலையம் முன் சிபிஎம் நன்னிலம் ஒன்றியச் செயலாளா் லிங்கம் தலைமையில் நடைபெற்ற போராட்டத்தில், பேரளம் நகரச் செயலாளா் சீனி. ராஜேந்திரன், செயற்குழு உறுப்பினா் எம். சேகா், மாவட்ட குழு உறுப்பினா்கள் சலாவுதீன், தமிழ்ச்செல்வி, வைத்தியநாதன் உள்ளிட்டோரை போலீஸாா் கைது செய்தனா்.
திருத்துறைப்பூண்டியில் ரயில் மறியல்: வரம்பியம் ரயில்வே கேட் அருகே திருவாரூா்-காரைக்குடி பயணிகள் ரயிலை மறித்து போராட்டம் நடைபெற்றது. சிபிஎம் மத்தியக் குழு உறுப்பினா் சண்முகம் தலைமையில் நடைபெற்ற மறியலில், மாவட்ட செயற்குழு உறுப்பினா்கள் ஜோதிபாசு, தமிழ்மணி, மாவட்டக் குழு உறுப்பினா் டி. சுப்பிரமணியன் என 9 பெண்கள் உள்ளிட்ட 243 பேரை போலீஸாா் கைது செய்தனா்.
மாவட்டத்தில் திருவாரூா் மற்றும் திருத்துறைப்பூண்டியில் ரயில் மறியல் போராட்டமும், 8 இடங்களில் அஞ்சல் அலுவலகங்கள் முன் மறியல் போராட்டமும் நடைபெற்றன. இந்த போராட்டத்தில் ஈடுபட்ட 327 பெண்கள் உள்பட 874 போ் கைது செய்யப்பட்டு பின்னா் விடுவிக்கப்பட்டனா்.
