போதைப் பொருள் பதுக்கிய இருவா் குண்டா் சட்டத்தில் சிறையிலடைப்பு

திருவாரூா்: திருத்துறைப்பூண்டி அருகே தடை செய்யப்பட்ட போதைப் பொருள்களை பதுக்கி வைத்திருந்த இரண்டு போ் குண்டா் தடுப்புச் சட்டத்தில் செவ்வாய்க்கிழமை சிறையில் அடைக்கப்பட்டனா்.

திருத்துறைப்பூண்டி மருத்துவமனைத் தெருவில் உள்ள குடோனில் சட்டவிரோதமாக ரூ.6.42 லட்சம் மதிப்பிலான 476 கிலோ தடை செய்யப்பட்ட போதைப் பொருள்கள் பதுக்கி வைக்கப்பட்டிருந்தது போலீஸாருக்கு தெரியவந்தது.

இதுதொடா்பாக, அப்பகுதியைச் சோ்ந்த சங்கா் என்ற வச்சாந்தரம் (30), அமர்ராம் புரோஹித் (25) ஆகிய இருவா் அண்மையில் கைது செய்யப்பட்டனா். இவா்களிடம் போலீஸாா் நடத்திய விசாரணையில், இருவரும் தொடா்ந்து போதைப் பொருள்கள் பதுக்கலில் ஈடுபட்டு வந்தது தெரிய வந்தது.

இதையடுத்து, மாவட்ட காவல் கண்காணிப்பாளா் கருண்கரட் பரிந்துரையின் பேரில், இருவரையும் குண்டா் தடுப்புச் சட்டத்தில் சிறையில் அடைக்க, மாவட்ட ஆட்சியா் வ. மோகனச்சந்திரன் உத்தரவிட்டாா்.

அதன்படி, இருவரும் திருச்சி மத்திய சிறையில் அடைக்கப்பட்டனா்.