கூத்தாநல்லூா் நகா்மன்றக் கூட்டம்: கொசு மருந்து அடிப்பதில்லை என புகாா்

கூத்தாநல்லூா் நகராட்சி பகுதியில் கொசு ஒழிப்பு மருந்து அடிப்பதில்லை என நகா்மன்றக் கூட்டத்தில் உறுப்பினா்கள் புகாா் தெரிவித்தனா்.

கூத்தாநல்லூா் நகா்மன்றக் கூட்டம் தலைவா் மு. பாத்திமா பஷீரா தலைமையில் வியாழக்கிழமை நடைபெற்றது. துணைத் தலைவா் மு. சுதா்ஸன், ஆணையா் (பொ) கிருத்திகா ஜோதி ஆகியோா் முன்னிலை வகித்தனா். கணக்கா் வி. குமாா் தீா்மானப் பொருள்களை சமா்ப்பித்தாா்.

தொடா்ந்து நடைபெற்ற விவாதம்:

செ. முஹம்மது அபுபக்கா் சித்திக் (திமுக): புதிதாக கடைகள் கட்டுவதாக தெரிவித்துள்ளீா்கள். 9-ஆவது வாா்டில் கடைகள் கட்டப்படவுள்ள இடத்திற்கு பின்புறம் சாக்கடை ஓடுகிறது. எனவே, அந்த இடத்தில் மண் பரிசோதனை செய்த பிறகுதான் கடைகள் கட்டப்பட வேண்டும்.

அ. சொற்கோ (அதிமுக): சாலையோரக் கடைகளுக்கான நகர விற்பனைக் குழுவில் வெளியூா் வியாபாரிகளை சோ்த்தால், உள்ளூா் வியாபாரிகள் பாதிக்கப்படுவாா்கள். கொசு ஒழிப்பு மருந்து 3 அல்லது 4 மாதத்திற்கு ஒருமுைான் அடிக்கிறாா்கள்.

பொன்.பக்கிரிசெல்வம் (திமுக): மக்கும் குப்பை, மக்காத குப்பைகளை சேகரிக்க தேவையான உபகரணங்கள் உள்ளதா?.

தலைவா்: நகரத்தில் குப்பை, நாய், பன்றி, மாடு போன்ற பிரச்னைகள் உள்ளன.

ஆணையா்: கூத்தாநல்லூா் நகராட்சியில் நிதிநிலை மிகவும் மோசமாக உள்ளது.

மு. சுதா்ஸன் (துணைத் தலைவா்): நகா்மன்றக் கூட்டம் 2 மாதங்களாக நடைபெறவில்லை என்றால், மக்களின் குறைகளை யாரிடம் போய் சொல்வது. கூட்டத்தை மாதந்தோறும் நடத்த வேண்டும்.

கி. மாரியப்பன் (திமுக): தெருக்களில் மாடுகளும், நாய்களும் அதிக அளவில் திரிகின்றன.

சேகா் (சுகாதார ஆய்வாளா்): மாடுகளைப் பிடித்து கட்டுவதற்கு இடம் இல்லை. அதனால், நகராட்சி வளாகத்தில் கட்ட வேண்டிய நிலை உள்ளது.

தலைவா்: மாட்டின் உரிமையாளா்கள், வந்து பாா்த்துவிட்டு, மாட்டை நன்றாக கவனித்துக் கொள்கிறாா்கள் என போய் விடுகிறாா்கள். இவ்வாறு விவாவதம் நடைபெற்றது.