மன்னாா்குடி வாக்குச்சாவடிகளில் தோ்தல் அலுவலா் ஆய்வு

மன்னாா்குடி பகுதியில் உள்ள வாக்குச்சாவடிகளை மாவட்ட ஆட்சியரும் மாவட்ட தோ்தல் நடத்தும் அலுவலருமான வ.மோகனச்சந்திரன் வியாழக்கிழமை ஆய்வு செய்தாா்.

பரவாக்கோட்டை அரசு மேல்நிலைப்பள்ளி, மகாதேவப்பட்டனம் அரசு மேல் நிலைப் பள்ளி , எஸ்பிஏ மெட்ரிக் மேல் நிலைப்பள்ளி, புனித ஜோசப் அரசு உதவிபெறும் உயா்நிலைப்பள்ளி ஆகியவற்றில் குடிநீா், மின்சாரம், கழிவறை போன்ற அடிப்படை வசதிகள் குறித்து அவா் ஆய்வு மேற்கொண்டாா். வருவாய்த்துறையினரிடம் விவரங்களை கேட்டறிந்தாா்.

மன்னாா்குடி மண்டல துணை வட்டாட்சியா் ராஜேஷ், மன்னாா்குடி வருவாய் ஆய்வாளா் ராஜமுருகன் உள்ளிட்டோா் உடனிருந்தனா்.