புது தில்லி: தமிழ்நாட்டுக்கு நீட் தோ்வில் விலக்கு அளிக்கும் வகையிலான மசோதாவை வரும் நாடாளுமன்ற குளிா்காலக் கூட்டத் தொடரில் மத்திய அரசு தாக்கல் செய்ய வேண்டும் என்று அதிமுக கோரியுள்ளது.
தேசிய ஐனநாயக் கூட்டணிக் கூட்டத்தில் அதிமுக சாா்பில் மக்களவை உறுப்பினா் ஓ.பி.ரவீந்திரநாத் குமாா், மாநிலங்களை உறுப்பினா் ஏ. நவநீதகிருஷ்ணன் ஆகியோா் கலந்து கொண்டனா். இக் கூட்டத்தில் அதிமுக சாா்பில் ஏ.நவநீத கிருஷ்ணன் பேசினாா். அவா் பேசியது: தமிழா்கள், தமிழா்கள் பண்பாடு, தமிழ் மொழி ஆகியவற்றின் பெருமைகளை உலகறியச் செய்யும் வகையில் பிரதமா் மோடி செயல்படுகிறாா். இதற்காக அவருக்கு நன்றிகளைத் தெரிவித்துக் கொள்கிறேன். தமிழகத்தில் ஆறு புதிய மருத்துவக் கல்லூரிகள் தொடங்க மத்திய அரசு அனுமதி கொடுத்துள்ளது. அதற்காக மத்திய அரசுக்கு நன்றி தெரிவித்துக் கொள்கிறேன். தமிழுக்கும், தமிழ்நாட்டுக்கும் பிரதமா் மோடி முக்கியத்துவம் கொடுத்து வருகிறாா். இது பாராட்டத்தக்கது.
நீட் தோ்வில் முறைகேடுகள் நடைபெற்றுள்ளதாகப் பல புகாா்கள் கிடைக்கப்பெற்றுள்ளன. நீட் தோ்வில் இருந்து தமிழ்நாட்டுக்கு விலக்கு அளிக்க வேண்டும். தமிழ்நாட்டுக்கு நீட் தோ்வில் விலக்கு அளிக்கும் சட்ட மசோதாவை குளிா்காலக் கூட்டத் தொடரில் மத்திய அரசு தாக்கல் செய்ய வேண்டும் என்றாா் அவா்.