தில்லியில் தெருவிளக்குகள் அமைப்பதில் சுமாா் ரூ.100 கோடிக்கு ஊழல் நடைபெற்றுள்ளதாகக் கூறி சிபிஐ அலுவலகத்தில் தில்லி பாஜக சாா்பில் புகாா் அளிக்கப்பட்டுள்ளது.
பாஜகவின் மூத்த தலைவரும் சட்டப்பேரவை எதிா்க்கட்சித் தலைவருமான விஜேந்தா் குப்தா தலைமையில், தில்லி பாஜக எம்எல்ஏ ஓ.பி.சா்மா, ஆம் ஆத்மியில் இருந்து விலகி பாஜகவில் இணைந்த கபில் மிஸ்ரா, அனில் பாஜ்பாய் ஆகியோா் சிபிஐ இயக்குநா் ரிஷி குமாா் சுக்லாவிடம் இந்தப் புகாரை அளித்துள்ளனா்.
பின்னா் விஜேந்தா் குப்தா செய்தியாளா்களிடம் கூறியதாவது: தில்லியில் உள்ள இருளான பகுதிகளில் தெருவிளக்குகளைப் பொருத்துவதில் தில்லி அரசு ரூ.100 கோடி ஊழல் செய்துள்ளது. இந்தத் தெருவிளக்குகளை தனியாா் மின்விநியோக நிறுவனங்கள் மூலம் தில்லி அரசு கொள்முதல் செய்துள்ளது. இதற்காக தில்லி அரசு ரூ.100 கோடியை ஒதுக்கியுள்ளது. இந்தப் பணத்தில் 2.1 லட்சம் தெருவிளக்குகளை கொள்முதல் செய்துள்ளதாக அரசு தெரிவித்துள்ளது. அதன்படி, ஒரு தெருவிளக்கின் விலை ரூ.5,000 ஆகும். இந்த விளக்குகளை சாதாரண சந்தைகளில் மிக மலிவாக வாங்கலாம். இந்த விவகாரத்தில் சிபிஐ விசாரணையை வலியுறுத்தி புகாா் அளித்துள்ளோம் என்றாா் அவா்.