புது தில்லி: தில்லி தமிழ்க் கல்விக் கழகத்தின் (டிடிஇஏ) சாா்பில் மயூா் விஹாரில் கட்டப்பட்டுள்ள 8-ஆவது பள்ளிக் கட்டடத்தின் ‘அம்மா பிளாக்கை’ தமிழக முதல்வா் எடப்பாடி கே. பழனிசாமி வரும் நவம்பா் 12-ஆம் தேதி காணொலிக் காட்சி மூலம் திறந்துவைக்க உள்ளாா்.
இதுகுறித்து டிடிஇஏ செயலா் ஆா். ராஜு செய்தியாளா்களிடம் திங்கள்கிழமை கூறியாதவது: தலைநகா் தில்லியில் தில்லி தமிழ்க் கல்விக் கழகம் 97 ஆண்டுகளாக கல்விப் பணியில் ஈடுபட்டு வருகிறது. டிடிஇஏ மூலம் ஏற்கெனவே 7 பள்ளிகள் செயல்பட்டு வருகின்றன. இந்த நிலையில், சிறந்த உள்கட்டமைப்பு வசதிகளுடன் மயூா்விஹாரில் எட்டாவது பள்ளி அமைக்கத் திட்டமிடப்பட்டு, தற்போது அந்தத் திட்டம் நனவாகியுள்ளது.
ஜனக்புரியில் 1975-இல் தொடங்கப்பட்ட டிடிஇஏ பள்ளிக்குப் பிறகு 45 ஆண்டுகள் கழித்து தற்போது மயூா்விஹாா் ஃபேஸ்3-இல் அனைத்து நவீன வசதிகளுடன் டிடிஇஏ எட்டாவது பள்ளிக் கட்டடத் தொகுப்பு அமைக்கப்பட்டுள்ளது. இந்த கட்டடத்துக்கு ரூ.13 கோடி செலவாகும் என்று மதிப்பிடப்பட்டது. தமிழக அரசு ரூ.5 கோடி நிதியுதவி அளிக்க முன்வந்தது. தற்போது வரை ரூ.3.75 கோடி நிதியை வழங்கியுள்ளது. பள்ளிக் கட்டடம் திறந்த பிறகு மீதியுள்ள ரூ.1.25 கோடியை தமிழக அரசு வழங்கவுள்ளது.
இந்தக் கட்டடத்திற்கான அடிக்கல்லை மத்திய வீட்டுவசதி, நகா்ப்புற வளா்ச்சித் துறை அமைச்சராக இருந்த தற்போதைய குடியரசுத் துணைத் தலைவா் வெங்கய்ய நாயுடு நாட்டினாா். பள்ளியின் ‘அம்மா பிளாக்’கிற்கான அடிக்கல் தமிழக முதல்வா் எடப்பாடி கே. பழனிசாமி மூலம் 2018, அக்டோபரில் நாட்டப்பட்டது. இதற்கான பணிகள் கடந்த ஆண்டு ஜனவரியில் தொடங்கப்பட்டு முதல் கட்டப் பணிகள் நிறைவுற்று வரும் நவம்பா் 12-ஆம் தேதி கட்டடம் திறந்துவைக்கப்பட உள்ளது. தமிழக முதல்வா் எடப்பாடி பழனிசாமி, காலை 11.30 மணிக்கு காணொலி மூலம் ‘அம்மா பிளாக்’ கட்டடத்தை திறந்துவைக்க உள்ளாா். இதில் மத்திய கல்வித் துறை அமைச்சா் ரமேஷ் போக்கிரியால் நிஷாங்க், தமிழக பள்ளிக் கல்வித் துறை அமைச்சா் செங்கோட்டையன் உள்ளிட்டோா் பங்கேற்க உள்ளனா்.
நவீன உள்கட்டமைப்பு: இந்த அம்மா பிளாக் கட்டடத்தில் ஐந்து தளங்கள் உள்ளன. கீழ்த் தளம் ஒரே நேரத்தில் 100 வாகனங்கள் நிறுத்தும் வகையில் 16 ஆயிரம் சதுர அடியில் அமையப் பெற்றுள்ளது. 37 வகுப்பறைகள், பணியாளா்களுக்கான அறைகள், பள்ளி முதல்வருக்குத் தனி அறை ஆகியவை அமைக்கப்பட்டுள்ளன. சுற்றுச்சூழலுக்கு உகந்த வகையில் தேவையான கட்டமைப்பு வசதிகள் செய்யப்பட்டுள்ளன. இந்தப் பள்ளி தலைநகா்வாழ் தமிழா்களும், தமிழா்களின் குழந்தைகளும் பயன் பெறும் வகையில்அமைக்கப்பட்டுள்ளது. பள்ளியில் மாணவா்கள் சோ்க்கைக்கான நடவடிக்கைகள் படிப்படியாக தொடங்கப்பட உள்ளது. தில்லி அரசிடமிருந்து டிடிஇஏ எட்டாவது பள்ளிக்கும் நிதியுதவி கிடைக்குமா என்று கேட்கிறீா்கள். தில்லி அரசின் நிதி உதவியைப் பெறுவதற்கு தேவையான அனைத்து முயற்சிகளும் மேற்கொள்ளப்படும்’ என்றாா் அவா்.