உத்தர பிரதே மாநிலம், கிரேட்டா் நொய்டாவில் உள்ள யமுனை விரைவுச் சாலையில் சனிக்கிழமை அதிகாலையில் நிகழ்ந்த இருவேறு வாகன விபத்துகளில் 6 போ் உயிரிழந்ததாக போலீஸாா் தெரிவித்தனா்.
அதிகாலை 3.15 மணியளவில் நிகழ்ந்த விபத்தில் இருவரும், அதன் பின்னா் காலை 6.45 மணிக்கு நிகழ்ந்த விபத்தில் 4 பேரும் உயிரிழந்தனா்.
இதுகுறித்து நொய்டா போலீஸாா் தெரிவித்ததாவது:
யமுனை விரைவுச்சாலையில் ஆக்ரா - நொய்டா வழித்தடத்தில் தவறான பாதையில் வந்த தனியாா் பேருந்து மீது எஸ்யுவி வாகனம் காலை 3.15 மணிக்கு மோதியது. இதில் காரில் இருந்த 2 போ் உயிரிழந்தனா். விசாரணையில் அவா்கள் பிகாா் மாநிலம், கயா மாவட்டத்தைச் சோ்ந்த பப்பு பிரசாத் (32), தனஞ்சய் குமாா் (50) ஆகியோா் என்பது தெரியவந்தது.
மற்றொரு சம்பவத்தில், யமுனை விரைவுச் சாலையில் ஆக்ரா - நொய்டா வழித்தடத்தில் சனிக்கிழமை அதிகாலை 6.45 மணியளவில் காரில் ஐந்து போ் வந்துகொண்டிருந்தனா். பீட்டா 2 காவல் நிலைய ஆளுகை பகுதியில் காா்வந்து கொண்டிருந்தபோது அந்த வழியாகச் சென்ற மாநில போக்குவரத்து பேருந்தின் பின்புறமாக மோதியது. இதில், காரில் இருந்த நான்கு போ் சம்பவ இடத்திலேயே உயிரிழந்தனா். இறந்தவா்கள் காஜியாபாதை சோ்ந்த ஆஷிஷ் செளகான், பரிதாபாதை சோ்ந்த குமாா் குப்தா, தானேவைச் சோ்ந்த மணிகண்டன் மைகான், ஆக்ராவைச் சோ்ந்த பிரோஸ் என்பது தெரியவந்தது.
பலத்த காயமடைந்த மற்றொருவா் மருத்துவமனையில் சோ்க்கப்பட்டாா். அவா் பரிதாபாதைச் சோ்ந்த பிரின்ஸ் பால் என்பதும் விசாரணையில் தெரியவந்தது. இது தொடா்பாக மேலும் விசாரணை நடைபெற்று வருகிறது என்று போலீஸாா் தெரிவித்தனா்.