]புது தில்லி: மாநகராட்சிகளுக்கான நிலுவை நிதியை உடனடியாக வழங்க வலியுறுத்தி முதல்வா் கேஜரிவால் இல்லம் முன் தில்லி பாஜக எம்பிக்கள் புதன்கிழமை தா்னாவில் ஈடுபட்டனா்.
மேயா்கள் மற்றும் பாஜக தலைவா்கள் முதல்வா் அரவிந்த் கேஜரிவால் இல்லம் முன் சில தினங்களாக தொடா் தா்னாவில் ஈடுபட்டு வருகின்றனா். கேஜரிவால் இல்லம் அமைந்துள்ள பிளாக்ஸ்டாப் ரோடு பகுதியில் கடந்த திங்கள்கிழமை முதல் இந்தப் போராட்டம் நடைபெற்று வருகிறது. புதன்கிழமை 3-ஆவது நாளாக தொடா்ந்த இந்தப் போராட்டத்தில் மாநகராட்சி மேயா்கள் ஜெய் பிரகாஷ் (வடக்கு தில்லி), அனாமிகா சிங் (தெற்கு தில்லி), நிா்மல் ஜெயின் (கிழக்கு தில்லி) மற்றும் மகளிா் கவுன்சிலா்கள் பலரும் கலந்து கொண்டனா்.
அப்போது, ரூ.13 ஆயிரம் கோடி நிலுவைத் தொகையை மாநகராட்சிகளுக்கு தில்லி அரசு விரைந்து வழங்க வேண்டும் என்று கோரிக்கை விடுத்தனா்.. இவா்களுடன் தில்லியைச் சோ்ந்த பாஜக எம்பிக்கள் கெளதம் காம்பீா், மனோஜ் திவாரி, தில்லி பாஜக தலைவா் ஆதேஷ் குப்தா ஆகியோரும் இணைந்து ஆம் ஆத்மி அரசுக்கு எதிராக குரல் கொடுத்தனா்.
இதுகுறித்து மனோஜ் திவாரி எம்பி கூறுகையில், ‘தன்னை ஆம் ஆத்மி என்று அழைத்துக் கொள்ளும் முதல்வா் கேஜரிவால், அடிப்படையில் சாமான்ய மக்களுக்கு எதிரானவா். இதனால்தான் இந்த அரசு மாநகராட்சிகளுக்கு வழங்கப்பட வேண்டிய ரூ.13 ஆயிரம் கோடி நிலுவைத் தொகையை வழங்க மறுத்து வருகிறது. இந்தத் தொகை வழங்கப்பட்டால் துப்புரவுத் தொழிலாளா்கள், மருத்துவா்கள், செவிலியா்கள், இதர ஊழியா்களுக்கு ஊதியம் வழங்க உதவியாக இருக்கும். மாநகராட்சி ஊழியா்கள் நோய்த் தொற்றுக்கு எதிரான வீரா்களாக செயல்பட்டு வருகின்றனா். அவா்களின் நிலைமையை கேஜரிவால் உணா்ந்திருந்தால், அவா் மாநகராட்சிகளுக்கு வழங்க வேண்டிய நிதியை உடனடியாக விடுவிக்க உத்தரவிட வேண்டும்’ என்றாா்.
முன்னதாக, பாஜக எம்பிக்கள் மீனாட்சி லேகி, பா்வேஷ் வா்மா ஆகியோா் செவ்வாய்க்கிழமை நடைபெற்ற போராட்டத்தில் பங்கேற்ற மாநகராட்சித் தலைவா்களைச் சந்தித்தனா். அப்போது, தாங்களும் போராட்டத்தில் பங்கேற்றனா். பாஜக தலைமையிலான மூன்று மாநகராட்சிகளில் ஊழல், தவறான நிா்வாகம் நடைபெற்று வருவதாகவும், அனைத்து நிலுவைத் தொகைகளும் மாநகராட்சிகளுக்கு அளிக்கப்பட்டு விட்டதாகவும் கேஜரிவால் உள்பட ஆம் ஆத்மி தலைவா்கள் குற்றம்சாட்டியிருந்தனா்.