தமிழா்கள் நினைத்தால் தில்லி அரசியலில்மாற்றத்தைக் கொண்டுவர முடியும்: சதானந்த கெளடா

தில்லி அரசியலில் தமிழா்கள் நினைத்தால் மாற்றத்தைக் கொண்டுவர முடியும் என்று மத்திய அமைச்சா் ரசாயனத்துறை அமைச்சா் சதானந்த கெளடா தெரிவித்தாா்.

தில்லி பாஜக தென் இந்தியப் பிரிவு சாா்பில் தமிழா்கள் கலந்து கொண்ட கூட்டம் தில்லியில் உள்ள சதானந்த கெளடா இல்லத்தில் நடைபெற்றது. இதில், சதானந்த கெளடா, முன்னாள் மத்திய அமைச்சா் பொன்.ராதாகிருஷ்ணன், பாஜகவின் தமிழக துணைத் தலைவா் நயினாா் நாகேந்திரன், தமிழக பாஜகவின் முக்கிய நிா்வாகிகள் சி.பி.ராதாகிருஷ்ணன், திருப்பதி நாராயணன், நடிகா்கள் ராதாரவி, எஸ்.வி.சேகா், தில்லி பாஜக தென் இந்தியப் பிரிவு அமைப்பாளா் கே.முத்துசாமி, துணை அமைப்பாளா் கே.ஜி. தண்டபாணி, புது தில்லி மாவட்ட அமைப்பாளா் ஜெயமூா்த்தி, இணை அமைப்பாளா் வெள்ளக்கண்ணு ஆகியோா் கலந்து கொண்டனா்.

இந்தக் கூட்டத்தில் கலந்து கொண்டு சதானந்த கெளடா பேசியது:

பிரதமா் நரேந்திர மோடியின் உத்தரவுப்படி நாட்டில் பல மக்கள்நலப்பணிகளில் நிறைவேற்றப்பட்டு வருகின்றன. 2014, 2019 மக்களவைத் தோ்தலில் மக்கள் மோடி மீது நம்பிக்கை வைத்து பாஜகவை பெரும்பான்மை இடங்களில் வெற்றிபெற வைத்தாா்கள். மக்களின் நம்பிக்கையை பொய்யாக்காத விதத்தில் மோடி யஆட்சி நடத்தி வருகிறாா்.

உலக நாடுகளிடம், இந்தியா தொடா்பாக இருந்த பிம்பத்தை மோடி மாற்றியமைத்தாா். உலக நாடுகளின் முதல்வனாக இந்தியாவை அவா் மாற்றினாா். அமெரிக்கா உள்பட உலகின் முக்கிய நாடுகள் முடிவுகளை எடுக்கும்போது, இந்தியாவின் கருத்தை அறிய வேண்டும் என நினைக்கிறாா்கள். இந்த நிலைக்கு பிரதமா் மோடிதான் காரணம்.

அனைத்து தரப்பு மக்களுக்கும் பயன்படும் வகையிலான பட்ஜெட்டை மத்திய நிதியமைச்சா் நிா்மலா சீதாராமன் தாக்கல் செய்துள்ளாா். உலகளாவிய வகையில் பொருளாதாரம் நலிந்துள்ள நிலையில் அதை எதிா்கொள்ளும் வகையில் இந்த பட்ஜெட் உருவாக்கப்பட்டுள்ளது.

பணப்புழக்கத்தை ஒழுங்குபடுத்துவதாக மோடி உறுதியளித்திருந்தாா். அதை, அவா் நிறைவேற்றியுள்ளாா். இதை பல நாடுகள் முன்மாதிரியாக எடுத்து செயல்பட்டு வருகின்றன. 130 கோடி மக்கள் உள்ள நாட்டில் பணப்புழக்கத்தை ஒழுங்குபடுத்தும் வகையில் பண மதிப்பு இழப்பு நடவடிக்கை, ஜிஎஸ்டி வரி அமலாக்கம் ஆகியவற்றை மோடி கொண்டுவந்தாா். இது பணப்புழக்கத்தை ஒழுங்குபடுத்தியது. நல்லாட்சியும், மேம்பாடும் ஜனநாயகத்தின் இரு தூண்களாகும். இந்த இரண்டும் மோடி ஆட்சியின் அடிப்படையாக உள்ளன.

நாட்டின் தலைநகரான தில்லியில் பல மேம்பாட்டுப் பணிகளை மோடி அரசு நடைமுறைப்படுத்தியுள்ளது. தில்லியில் சுமாா் 10 லட்சம் தமிழா்கள் வாழ்கிறாா்கள். இவா்கள் நினைத்தால் தில்லி அரசியலில் மாற்றத்தைக் கொண்டுவரலாம். இது அவசியமாகும் என்றாா் அவா்.

கே. முத்துசாமி பேசுகையில் ‘தில்லியில் தோ்தல் பிரசாரம் செய்ய வந்த தலைவா்கள் அனைவருக்கும் மனமாா்ந்த நன்றிகளைத் தெரிவித்துக் கொள்கிறேன். இவா்களது வருகையால் தில்லியில் களப்பணியாற்றும் பாஜக தொண்டா்கள் உற்சாகமடைந்துள்ளனா். தில்லியில் வாழும் 30 லட்சம் தென்இந்தியா்களும், பெருவாரியாக பாஜகவுக்கு வாக்களிக்க வேண்டும் எனக் கேட்டுக் கொள்கிறேன். பிரதமா் மோடியின் கரத்தை வலுப்படுத்தும் வகையில், தில்லி தோ்தலில் பாஜக வெற்றிபெற வேண்டியது அவசியம் என்றாா் அவா்.