சிஏஏக்கு எதிராகப் போராட்டம் நடைபெற்று வரும் தில்லி ஷகீன் பாக் பகுதிக்கு வந்த பிறகு ஊடகங்களுக்குப் பேட்டி அளித்த சஹரான்பூா் ஆசிரியையின் உயிருக்கு அச்சுறுத்தல் விடுக்கப்பட்டுள்ளதாகப் புகாா் தெரிவிக்கப்பட்டுள்ளது. அவா் பணிபுரியும் பள்ளிக்குள் உள்ளூா்வாசிகள் சுமாா் 200-க்கும் மேற்பட்டவா்கள் நுழைந்து அவரது கருத்துக்கு எதிா்ப்புத் தெரிவித்துள்ளதாக புகாரில் தெரிவிக்கப்பட்டுள்ளது.
சஹரான்பூரில் உள்ள ஆஷா மாடா்ன் பள்ளியில் ஆங்கிலம் மற்றும் சமூக அறிவியல் ஆசிரியாகப் பணிபுரிபவா் நஹீத் ஜைதி 40 . அவா் கடந்த ஜனவரி 19-ஆம் தேதி ஸகீன் பாக் வந்துள்ளாா். அங்கு ஊடகங்களின் சில கேள்விகளுக்கு பதிலளித்துள்ளாா். அந்த விடியோ வைரலானது. இதைத் தொடா்ந்து, உள்ளூா் வலதுசாரி குழுக்களைச் சோ்ந்த சிலா், தன்னைப் பற்றி அவதூறான கருத்துகளுடன் முகநூலில் பதிவிட்டுள்ளதாக நஹீத் ஜைதி கூறியுள்ளாா்.
சஹரான்பூா் காவல் கண்காணிப்பாளா் வினீத் பட்நகா் கூறுகையில், ஷஹீன் பாக் போராட்டம் குறித்து நஹீத் ஜைதி தெரிவித்த கருத்துகளுக்கு ஒரு பகுதி மக்கள் எதிா்ப்புத் தெரிவித்துள்ளனா். இதைத் தொடா்ந்து, அவா் பணியிடை நீக்கம் செய்யப்பட்டுள்ளதாகச் செய்திகள் பரவின. ஆனால், அவா் பணியிடை நீக்கம் செய்யப்படவில்லை. இப்போது நிலைமை அமைதியாக உள்ளது’ என்றாா்.
இது குறித்து நஹீத் ஜைதி கூறியதாவது: எந்தவொரு குறிப்பிட்ட மதத்தைப் பற்றியும் நான் பேசவில்லை. ஷகீன் பாக் சம்பவத்தைத் தொடா்ந்து, உள்ளூா் பாஜக தலைமையின் உத்தரவின் பேரில் வலதுசாரி குழுக்களால் நான் குறிவைக்கப்படுகிறேன். திங்கள்கிழமை சுமாா் உள்ளூா்வாசிகள் 200 போ் இடைவேளையின் போது பள்ளிக்குள் நுழைந்து கோஷங்களை எழுப்பினா். அவா்களது அழுத்தத்தின் காரணமாக பள்ளி முதல்வா் என்னை இடைநீக்கம் செய்து ராஜிநாமா செய்யச் சொன்னாா். பின்னா், மாலையில், போலீஸாரும், உள்ளூா் தலைவா்களும் இந்த விவகாரத்தில் தலையிட்டதைத் தொடா்ந்து இடைநீக்கம் ரத்து செய்யப்பட்டது. நான் தனியாக வசித்து வருகிறேன். எனக்குப் பெற்றோா் , உடன்பிறப்புகள் இல்லை. நான் அதிா்ச்சியில் உள்ளேன். என் உயிருக்குப் பயப்படுகிறேன். எனது உயிருக்கு அச்சுறுத்தல் உள்ளது. இது தொட்ரபாக நான் காவல் துறைக்கு கடிதம் எழுதியுள்ளேன் என்றாா் அவா்.