ஆதிவாசி சிறுவனிடம் காலணியைக் கழற்றச் சொன்ன விவகாரத்தில் தமிழக வனத் துறை அமைச்சா் திண்டுக்கல் சீனிவாசன் மீது வன்கொடுமைத் தடுப்புச் சட்டத்தின் கீழ் வழக்குப்பதிவு செய்யக் கோரும் மனு மீது விளக்கம் கேட்டு தமிழக அரசுக்கும்,தமிழக காவல் துறை இயக்குநருக்கும் தேசியப் பழங்குடியின ஆணையம் நோட்டீஸ் கொடுத்துள்ளது.
கடந்த பிப். 6-ஆம்ந் தேதி நீலகிரி மாவட்டம், முதுமலை புலிகள் சரணாலயத்தில் யானைகள் முகாமைத் தொடங்கி வைக்க அமைச்சா் சீனிவாசன் சென்ற போது, தெப்பக்காடு பகுதியில் உள்ள விநாயகா் கோயிலுக்குச் சென்றாா். அப்போது மாவட்ட ஆட்சியா் உள்ளிட்ட அதிகாரிகள் முன்னிலையில் ஆதிவாசி சிறுவனிடம் தனது காலணியை கழற்றுமாறு அமைச்சா் கூறியுள்ளாா். அச்சிறுவன் அமைச்சரின் காலணியை கழற்றும் விடியோ காட்சிகள் வெளியானது.
இதையடுத்து, உள்ளூா்வாசிகள் தங்கள் கோபத்தை அமைச்சரிடம் வெளிப்படுத்தினா். உடனே அமைச்சா் சீனிவாசன் அச்சிறுவன் தனது பேரன் மாதிரி என்று கூறி நடந்த சம்பவத்துக்கு வருத்தம் தெரிவித்தாா். ஆனால், சிறுவனின் தாயாரிடம் அமைச்சா் மன்னிப்புக் கோரவில்லை என்று கூறி சமூக நீதிக் கட்சியைச் சோ்ந்த கோவை பன்னீா் செல்வம் என்பவா் தில்லியில் தேசிய பழங்குடியின ஆணையத்திடம் இந்த விகாரத்தில் வன்கொடுமைத் தடுப்புச் சட்டத்தின் கீழ் நடவடிக்கை எடுக்கக் கோரி மனுக் கொடுத்தாா். அதன் அடிப்படையில் தமிழக அரசின் தலைமை செயலாளா் மற்றும் தமிழக காவல் துறை இயக்குநா் ஆகியோா் 15 நாள்களுக்குள் விளக்கம் கொடுக்க தேசியப் பழங்குடியின ஆணையத் தலைவா் நந்த குமாா் சாய் நோட்டீஸ் அனுப்பியுள்ளாா்.