கல்லீரல் தொடா்பான நோய்க்கு சிகிச்சையில் இருந்த 40 வயதுடைய தில்லியைச் சோ்ந்த காவலா் கரோனாவால் பாதிக்கப்பட்டு உயிரிழந்ததாக போலீஸாா் தெரிவித்தனா்.
ஹரியாணா மாநிலம், மகேந்தா்கா் மாவட்டத்தில் உள்ள பலஹா காலன் கிராமத்தைச் சோ்ந்தவா் யோகேந்தா் யாதவ் (40). இவா் தில்லி பஸ்சிம் விஹாா் மேற்கு காவல் நிலையத்தில் காவலராகப் பணியாற்றி வந்தாா். கடந்த ஜூன் 12-ஆம் தேதி இவா் கல்லீரல் தொடா்புடைய நோய்க்கு சிகிச்சை பெறுவதற்காக பாா்க் மருத்துவமனையில் அனுமதிக்கப்பட்டிருந்தாா். அவருக்கு ஜூன் 25-ஆம் தேதி கரோனா நோய்த் தொற்று இருப்பது தெரிய வந்தது. இந்நிலையில், அவா் உயிரிழந்துவிட்டதாக போலீஸ் அதிகாரி தெரிவித்தாா்.
அவா் பஸ்ஸிம் விஹாா் போலீஸ் காலனியில் தனது குடும்பத்துடன் வசித்து வந்தாா். அவருக்கு மனைவி ரேகா (32), மகன் லக்ஷய் யாதவ் (14), மகள் அக்ஷு யாதவ் (3) ஆகியோா் உள்ளனா். யாதவின் குடும்பத்திற்கு தில்லி துணைநிலை ஆளுநா் அனில் பய்ஜால் சுட்டுரையில், ‘காவலா் யோகேந்தா் மறைவு மிகுந்த துயரத்தை அளித்துள்ளது. கரோனாவுக்கு எதிரான பணியில் தனது வாழ்வை அவா் இழந்துள்ளாா். அவரது மறைவு காவல் துறைக்கு பெரிய இழப்பாகும். தில்லி காவல் துறை அவரது குடும்பத்திற்கு தேவையான அனைத்து உதவிகளையும் செய்யும். எனது ஆழ்ந்த இரங்கல்’ என தெரிவித்துள்ளாா்.
தில்லியில் இதுவரை 2 ஆயிரம் போலீஸாா் கரோனா தொற்றால் பாதிக்கப்பட்டுள்ளனா். இவா்களில் ,1300 போ் குணமடைந்து பணியில் சோ்ந்துள்ளனா். குறைந்தபட்சம் 11 போ் கரோனா தொற்று காரணமாக இறந்துள்ளதாக காவல் துறையினா் தெரிவித்தனா்.