பல்வேறு கொள்ளை வழக்குகளில் தேடப்பட்டு வந்த இருவா், போலீஸாருடன் நடந்த துப்பாக்கிச் சண்டையின் போது சிக்கினா். கைது செய்யப்பட்ட இருவரும் 12-க்கும் மேற்பட்ட கொள்ளை வழக்குகளில் சம்பந்தப்பட்டவா்கள் என்று போலீஸாா் தெரிவித்தனா்.
இது குறித்து நொய்டா காவல் சரக கூடுதல் துணை ஆணையா் அங்கூா் அகா்வால் கூறியதாவது: நொய்டா பேஸ் 2 பகுதியில் உள்ள குலேசரா எல்லைக்கு அருகே செவ்வாய்க்கிழமை அதிகாலை 2.00 மணியளவில் இந்த துப்பாக்கிச் சண்டை ஏற்பட்டது. இருவரும் மோட்டாா் சைக்கிளில் வந்த போது போலீஸாரால் தடுத்து நிறுத்தப்பட்டனா். கடந்த வாரம் (ஜூலை 7) ஒரு டிரான்ஸ்ஃபாா்மா் தயாரிப்பு நிறுவனத்தில் ஒரு கும்பல் புகுந்து தாக்கி, தாமிரம் மற்றும் பித்தளையால் தயாரிக்கப்பட்ட பொருள்கள் உள்பட ஏராளமான பொருள்களை கொள்ளையடித்துச் சென்றது. மேலும், அங்கிருந்த ஒரு மோட்டாா் சைக்கிளையும் அக்கும்பலினா் திருடிச் சென்றனா்.
இந்தச் சம்பவம் தொடா்பாக வழக்குப் பதிவு செய்யப்பட்டு, கொள்ளையா்களைப் பிடிக்க போலீஸ் தனிப்படை அமைக்கப்பட்டது. தேடுதல் வேட்டையும் தீவிரப்படுத்தப்பட்டிருந்தது. அந்தக் கும்பலைச் சோ்ந்த 4 போ் முன்னதாக கைது செய்யப்பட்டனா். இந்நிலையில் அந்தக் கும்பலைச் சோ்ந்த இருவா், செவ்வாய்க்கிழமை அதிகாலை 2 மணியளவில் நொய்டா பேஸ் 2 பகுதியில் மோட்டாா்சைக்கிளில் வந்த போது போலீஸாா் தடுத்து நிறுத்தினா். அப்போது, அவா்கள் போலீஸாரை நோக்கி துப்பாக்கியால் சரமாரியாகச் சுட்டனா். இதைத் தொடா்ந்து, போலீஸாரும் பதிலுக்கு துப்பாக்கியால் சுட்டனா். இதில் மோட்டாா்சைக்கிளில் வந்த இருவரும் காயமடைந்தனா். இதையடுத்து, இருவரும் கைது செய்யப்பட்டனா்.
அவா்களில் ஒருவா் பியாா் முகமது (30) என்றும் மற்றொருவா் ரிஸ்வான் (21) என்றும் அடையாளம் காணப்பட்டனா். இதில் பியாா் முகமது, காஜியாபாத்தில் பல்வேறு வழக்குகளில் தலைமறைவாக இருந்தவா். ரிஸ்வான் மீது நொய்டாவில் பல்வேறு வழக்குகள் உள்ளன. பியாா் முகமது மீது ஏற்கெனவே எட்டு வழக்குகள் பதிவு செய்யப்பட்டுள்ளன. இதில் கொலை முயற்சி வழக்குகள், ஆயுத சட்டம் மற்றும் கேங்க்ஸ்டா் சட்டம் ஆகியவற்றின் கீழும் வழக்குகள் உள்ளன. 21 வயதான ரிஸ்வான் மீது கொள்ளை, திருட்டு, மற்றும் குண்டா்கள் சட்டம் மற்றும் ஆயுதச் சட்டம் ஆகியவற்றின் கீழ் குறைந்தது 6 வழக்குகள் உள்ளன.
கைது செய்யப்பட்ட இருவரிடமிருந்தும் இரண்டு சட்டவிரோதத் துப்பாக்கிகள், மோட்டாா்சைக்கிள் ஆகியவை பறிமுதல் செய்யப்பட்டுள்ளன. துப்பாக்கிச் சண்டையின் போது காயமடைந்த பியாா் முகமதுவும், ரிஸ்வானும் பின்னா் சிகிச்சைக்காக மருத்துவமனையில் அனுமதிக்கப்பட்டனா் என்றாா் அந்த அதிகாரி.