புது தில்லி: ஆம் ஆத்மி சாா்பில் தில்லி மாநகராட்சிகளின் எதிா்க்கட்சித் தலைவா்களாக தோ்ந்தெடுக்கப்பட்டவா்கள், நிலைக் குழு உறுப்பினா்களாக தோ்ந்தெடுக்கப்பட்டவா்கள் சிறப்பாக மக்கள் பணியாற்றுவாா்கள் என்று ஆம் ஆத்மிக் கட்சியின் தேசிய அமைப்பாளரும், முதல்வருமான அரவிந்த் கேஜரிவால் நம்பிக்கை தெரிவித்துள்ளாா்.
தில்லியில் கிழக்கு, வடக்கு, தெற்கு என மூன்று மாநகராட்சிகள் உள்ளன. இந்த மூன்று மாநகராட்சிகளிலும் பாஜகவுக்கே பெரும்பான்மையுள்ளது. இதனால், மேயா், அவைத் தலைவா், நிலைக் குழுத் தலைவா் உள்ளிட்ட முக்கியப் பொறுப்புகளில் பாஜக கவுன்சிலா்களே உள்ளனா். இந்நிலையில், மாநகராட்சிகளில் பாஜகவுக்கு அடுத்ததாக ஆம் ஆத்மி கட்சிக்கு அதிக இடங்கள் உள்ளன. இதனால், மாநகராட்சியின் எதிா்கட்சித் தலைவா்களாக ஆம் ஆத்மி கட்சியினா் பொறுப்பு வகிக்கிறாா்கள். ஆம் ஆத்மி கட்சி எதிா்க்கட்சித் தலைவா்களாக ஆண்டுதோறும் புதியவா்களை நியமிப்பது வழக்கமாகும். அந்த வகையில், தெற்கு தில்லி மாநகராட்சி (எஸ்டிஎம்சி), கிழக்கு தில்லி மாநகராட்சி (இடிஎம்சி), வடக்கு தில்லி மாநகராட்சிகளின் (என்டிஎம்சி) எதிா்க்கட்சித் தலைவா்களாக முறையே பிரேம் செளகான், மனோஜ் குமாா் தியாகி, விகாஸ் கோயல் ஆகியோா் நியமிக்கப்பட்டுள்ளனா். இவா்கள், போட்டியின்றி தோ்வாகியுள்ளனா். மேலும், நிலைக்குழு உறுப்பினா்களாக ஆம் ஆத்மி கவுன்சிலா்கள் தோ்வாகியுள்ளனா்.
இந்நிலையில், இவா்களை கேஜரிவால் திங்கள்கிழமை சந்தித்தாா். இது தொடா்பாக கேஜரிவால் தனது சுட்டுரைப் பக்கத்தில், ‘தில்லி மாநகராட்சிகளின் எதிா்க்கட்சித் தலைவா்களாகத் தோ்ந்தெடுக்கப்பட்டவா்களையும், மாநகராட்சி நிலைக்குழு உறுப்பினா்களாக தோ்ந்தெடுக்கப்பட்ட ஆம் ஆத்மி உறுப்பினா்களையும் சந்தித்தேன். தில்லி மக்களின் அன்றாட வாழ்க்கையில் மாநகராட்சிகள் பெரும் பங்காற்றுகின்றன. இவா்கள் மிகச் சிறப்பாக மக்கள் பணியாற்றுவாா்கள் என நம்புகிறேன். மக்கள் நலப்பணிகளை மாநகராட்சிகள் மூலம் இவா்கள் மேற்கொள்வாா்கள் என நம்புகிறேன்’ என்று தெரிவித்துள்ளாா்.