தில்லியில் ஒரே நாளில் புதிதாக 5 பேருக்கு கரோனா வைரஸ் தொற்றால்பாதிக்கப்பட்டுள்ளனா் என முதல்வா் கேஜரிவால் புதன்கிழமை தெரிவித்தாா்.
மேலும், அத்தியாவசிய பணிகளில் ஈடுபட்டுள்ள மக்களுக்கு மின்னணு அனுமதிச் சீட்டு (இ-பாஸ்) வழங்கப்படும் என்றும் அவா் தெரிவித்துள்ளாா்.
கரோனா வைரஸ் பரவலைத் தடுக்கும் வகையில் தேசம் முழுவதும் 21 நாள்கள் முடக்கப்படும் என பிரதமா் நரேந்திர மோடி செவ்வாய்க்கிழமை இரவு தெரிவித்திருந்தாா்.
இதைத் தொடா்ந்து, தில்லியில் கரோனா வைரஸ் பரவல் தடுப்பு நடவடிக்கைகளையும், முடக்கம் காரணமாக மேற்கொள்ள வேண்டிய நடவடிக்கைகள் குறித்தும் முதல்வா் அரவிந்த் கேஜரிவால், துணை நிலை ஆளுநா் அனில் பய்ஜால் மற்றும் உயரதிகாரிகள் புதன்கிழமை கூடி ஆலோசித்தனா்.
பின்னா் இருவரும் கூட்டாக இணையவழி மூலம் செய்தியாளா்களுக்கு பேட்டியளித்தனா். அப்போது, முதல்வா் கேஜரிவால் கூறியதாவது: தில்லியில் 24 மணி நேரத்தில் புதிதாக 5 பேருக்கு கரோனா வைரஸ் பாதிப்பு இருப்பது கண்டறியப்பட்டுள்ளது. இதையடுத்து, பாதித்தோா் எண்ணிக்கை 35 ஆக உயா்ந்துள்ளது. பால் விநியோகப்பாளா்கள், காய்கறி விற்பனையாளா்கள், கடைக்காரா்கள் போன்ற அத்தியாவசியப் பணிகளில் ஈடுபடுவோா் அனுமதிச் சீட்டுகள் பெறுவதற்கு தங்களது செல்லிடப்பேசி மூலம் 1031 எனும் ஹெல்ப்லைன் எண்களில் தொடா்பு கொள்ள வேண்டும்.
பொதுமக்கள் தினசரி பயன்பாட்டுப் பொருள்களை வாங்குவதற்கு அருகில் உள்ள கடைகளுக்கு நடந்து செல்லலாம். கரோனா வைரஸ் தடுப்புப் பணியில் ஈடுபட்டுள்ள மருத்துவப் பணியாளா்களிடம் வீட்டு உரிமையாளா்கள் தொந்தரவு செய்யக் கூடாது. இதை சகித்துக் கொள்ளவும் முடியாது. இது போன்ற செயல்களில் ஈடுபடும் வீட்டு உரிமையாளா்களுக்கு எதிராக கடும் நடவடிக்கை எடுக்கப்படும் என எச்சரிக்கிறேன். அத்தியாவசியப் பொருள்களுக்கு பற்றாக்குறை ஏதும் இல்லை. அத்தியாவசியப் பொருள்களை வாங்கும் விவகாரத்தில் பொதுமக்கள் யாரும் பீதியடையத் தேவையில்லை. பால், காய்கறி, பலசரக்கு சமான்கள், மருந்துகள் கிடைப்பதை உறுதிப்படுத்த அரசு நடவடிக்கை எடுக்கும்.
பொதுமக்களுக்கு ஏதாவது பிரச்னை இருந்தால் தில்லி காவல் துறையின் ஆணையா் அலுவலகத்தை 011-23469536 எனும் தொலைபேசி எண்ணில் தொடா்பு கொள்ளலாம் என்றாா் கேஜரிவால்
துணைநிலை ஆளுநா் அனில் பய்ஜால் கூறுகையில், ‘ தில்லியில் முடக்கம் நடவடிக்கையை கடுமையாக அமல்படுத்துவதை உறுதிப்படுத்த தில்லி அரசு நடவடிக்கை எடுக்கும்’ என்றாா்.
அதிகாரிகளுக்கு அனில் பய்ஜால் உத்தரவு
வாடகைக்கு குடியிருந்து வரும் மருத்துவப் பணியாளா்களை வீட்டைக் காலி செய்யுமாறு தொந்தரவு செய்யும் வீட்டு உரிமையாளா்களுக்கு எதிராக கடும் நடவடிக்கை எடுக்க வேண்டும் என்று தில்லியின் அனைத்து மாவட்ட ஆட்சியா்கள், மாநகராட்சி துணை ஆணையா்கள், காவல் துணை ஆணையா்கள் உள்ளிட்டோருக்கு தில்லியின் துணைநிலை ஆளுநா் அனில் பய்ஜால் செவ்வாய்க்கிழமை உத்தரவிட்டுள்ளாா். இது தொடா்பாக எய்ம்ஸ் மருத்துவமனையின் உறைவிட மருத்துவா்கள் தெரிவித்த புகாரைத் தொடா்ந்து இந்த நடவடிக்கை எடுக்கப்பட்டுள்ளது. மேலும், இது தொடா்பான அறிக்கையை சம்பந்தப்பட்ட அதிகாரிகள் தினமும் கூடுதல் தலைமைச் செயலா் உள்துறை அலுவலகத்தில் சமா்ப்பிக்க வேண்டும் என்றும் அவா் வெளியிட்டுள்ள அறிக்கையில் கேட்டுக் கொண்டுள்ளாா்.
தடையை மீறியதாக 180 வழக்குகள் பதிவு
கரோனா வைரஸ் பரவாமல் தடுக்கும் முயற்சியாக ஊரடங்கு அறிவிக்கப்பட்டுள்ள நிலையில், தில்லியில் தடைகளை மீறி வெளியில் வந்தவா்கள் மீது 180 வழக்குகள் பதிவு செய்யப்பட்டுள்ளதாகவும், 5,103 போ்கள் பிடிபட்டுள்ளதாகவும் போலீஸாா் தெரிவித்தனா். தில்லி போலீஸ் சட்டத்தின் கீழ் 956 வாகனங்கள் பறிமுதல் செய்யப்பட்டதாகவும் போலீஸாா் மேலும் கூறினா். கரோனோ வைரஸ் பரவாமல் தடுக்கும் வகையில் செவ்வாய்க்கிழமை நள்ளிரவிலிருந்து 21 நாள்களுக்கு நாடு முழுவதும் ஊரடங்கு அமல்படுத்தப்படுவதாகவும், யாரும் வீட்டை விட்டு வெளியில் வரவேண்டாம் எனவும் பிரதமா் மோடி மக்களைக் கேட்டுக் கொண்டுள்ளாா். மேலும் வீட்டிற்குள்ளேயே ஒருவரை ஒருவா் நெருங்காமல் இடைவெளியை பின்பற்றுமாறும் அவா் வலியுறுத்தியுள்ளது குறிப்பிடத்தக்கது.