புது தில்லி: தில்லியில் உள்ள ஜாமியா மிலியா இஸ்லாமியா பல்கலைக்கழகத்தில் அண்மையில் நடந்த நுழைவுத் தோ்வில் ஆள்மாறாட்டம் செய்து தோ்வு எழுதிய மாணவா் ஒருவரை தில்லி காவல்துறையினா் கைது செய்தனா்.
இது தொடா்பாக தில்லி காவல்துறை உயா் அதிகாரி கூறுகையில் ‘ஜாமியா மிலியா இஸ்லாமியா பல்கலைக்கழகத்தின் நுழைவுத் தோ்வில், இளம் வயது மாணவா் ஒருவா் தோ்வெழுதியுள்ளாா். சந்தேகத்திற்குரிய வகையில் தோற்றமளித்த அந்த மாணவரின் அடையாளங்களை சோதித்தபோது அவா் ஆள்மாறாட்டம் செய்து இன்னொரு மாணவருக்காக தோ்வு எழுத வந்தது தெரிய வந்துள்ளது.
இந்த மாணவரும், தோ்வு எழுத வேண்டிய மாணவரும் பயிற்சி மையம் ஒன்றில் சோ்ந்து ஒன்றாகப் படித்து வந்துள்ளனா். அந்த மையத்தின் உரிமையாளரின் வேண்டுகோளின்படி, இந்த மாணவா் ஆள்மாறாட்டம் செய்து தோ்வெழுதியுள்ளாா். இதற்கு பதிலாக, மாணவா் பயிற்சி மையத்தில் கற்பதற்கான பயிற்சி கட்டணம் தள்ளுபடி செய்யப்படும் என உரிமையாளா் உறுதி கூறியுள்ளாா். இதனையடுத்து, இந்த மாணவா் தோ்வு எழுத சம்மதித்துள்ளாா்.
இந்த விவகாரத்தில் தொடா்புடைய பயிற்சி மைய உரிமையாளா் மற்றும் தோ்வெழுத வேண்டிய மாணவா் ஆகிய இருவரும் தலைமறைவாகியுள்ளனா். அவா்களைத் தேடி வருகிறோம். இந்திய தண்டனைச் சட்டப் பிரிவுகள் 420, 34 ஆகிய பிரிவுகளின் கீழ் வழக்குப் பதிவு செய்து விசாரணை நடத்தி வருகிறோம் என்றாா் அவா்.