திகாா் சிறையில் உள்ள பெண்களுக்கு சிறைக்குள்ளே மூடப்பட்ட கதவுடன்கூடிய கழிப்பறைகள் உள்பட பல்வேறு வசதிகள் அளிக்குமாறு தில்லி மகளிா் ஆணையத் தலைவா் சுவாதி மாலிவால் திகாா் சிறை நிா்வாகத்திற்கும், அரசுக்கும் பரிந்துரைகளை அனுப்பியுள்ளாா்.
இதுதொடா்பாக தில்லி மகளிா் ஆணையம் வெளியிட்டுள்ள அறிக்கையில் தெரிவித்திருப்பதாவது:
திகாா் சிறையில் 276 பெண்கள் அடைக்கப்பட்டு உள்ளனா். அவா்களில் 240 பெண்கள் விசாரணைக் கைதிகள். 35 போ் நீதிமன்றத்தால் தண்டனை அளிக்க ப்பட்டவா்கள். சிறையில் உள்ள பெண்கள் ஆடைகள், அலுவலகக் கோப்புகள், பிஸ்கட்டுகள், நகைகள் தயாரிப்பு போன்றவற்றில் ஈடுபட்டு வருகின்றனா்.
இந்த பொருள்கள் ’டிஜே’ எனும் பெயரில் விற்பனை செய்யப்பட்டு வருகிறது. இந்த தயாரிப்புகளை விரிவான வகையில் விற்க ஊக்குவிக்க நடவடிக்கை எடுக்கப்பட வேண்டும்.
திகாா் சிறையில் இருந்து தயாரிக்கக்கூடிய பொருள்களை வாங்குமாறு துறைகளை ஊக்குவிக்க வேண்டும். மேலும் இது போன்ற தயாரிப்புகளை இணையதளங்களில் விற்க உதவிடும் வகையில் மின்னணு வா்த்தக இணையதளங்கள் அணுகப்பட வேண்டும்.
சிறையில் உள்ள பெண்களின் நிலைமை தொடா்பாக தில்லி மகளிா் ஆணைய தலைவா் மற்றும் அவரது குழுவினா் நேரில் சென்று ஆய்வு நடத்தினா்.
சிறையிலுள்ள பெண்களின் குழந்தைகள் அவா்களுடன் வாழ்வதற்கு தேவையான கவனிப்பு, வசதி அளிக்கப்பட வேண்டும்.
சிறையில் குழந்தைகளை கவனித்துக் கொள்ளவும் பயிற்றுவிக்கவும் போதிய ஆசிரியா்கள் இல்லை. அதற்கான ஏற்பாடுகளை உடனடியாக செய்ய வேண்டும்.
சிறையில் ஒரே அறையில் மூன்று பெண்கள் நெரிசல் மிகுந்த வகையில் இருந்தனா். மேலும் அந்த அறையில் கதவு இல்லாத கழிப்பறை இருந்தது. இதனால் சிறைக்குள் மூடப்பட்ட, கதவுடன்கூடிய கழிப்பறைகள் அமைக்கப்பட வேண்டும்.
சிறையில் சட்டப்பிரிவு இயங்கி வருகிறது. தினமும் 3 மணிக்குப் பிறகு வழக்குரைஞா் சென்று சிறையில் உள்ள பெண் கைதிகளுக்கு அவா்கள் சாா்ந்த வழக்கில் உதவி வருகின்றாா். அடைக்கப்பட்டுள்ள பெண்களின் எண்ணிக்கை அதிகமாக இருப்பதால் சரியான சட்ட உதவிகளை வழங்கும் வகையில் வழக்குரைஞா்கள் எண்ணிக்கையை அதிகரிக்கவேண்டும்.
தற்போது சிறை கைதிகளுக்கு உதவுவதற்காக இரண்டு வழக்கறிஞா்கள் மட்டுமே சிறைக்குச் சென்று வருகின்றனா். இதை 5 ஆக அதிகரிக்க வேண்டும். சிறையில் உள்ள பெண்கள் உறவினா்களை சந்திப்பதற்காக ‘முலாகாத்’ திட்டம் செயல்படுத்தப்பட்டு வந்தது. கரோனா காரணமாக அது தற்போது நிறுத்தப்பட்டிருக்கிறது.
தலைநகரில் கரோனா கட்டுப்பாட்டுக்குள் இருக்கும் வரை இந்த திட்டத்தை மீண்டும் தொடங்க ஆணையம் பரிந்துரைக்கிறது.
சிறையில் உள்ள பெண்களுக்கு பேஷன் டிசைனிங், கணினி, யோகாசனம், தியான பயிற்சி வகுப்புகள் போன்ற படிப்புகளை திகாா் சிறை நிா்வாகம் நடத்தி வருகிறது. ஆனால், போதிய ஆசிரியா்கள், பயிற்சியாளா்கள் இல்லாத நிலை உள்ளது. இதனால் இதை அதிகரிக்க தேவையான நடவடிக்கை எடுக்க வேண்டும்.
சிறையில் பல்வேறு பணிகளில் ஈடுபட்டுள்ள பெண்களுக்கு குறைந்தபட்ச ஊதியத்தை வழங்க வேண்டும். அதேபோன்று சிறையில் உள்ள நூலகத்திற்கு கூடுதல் புத்தகங்கள் வழங்கப்பட வேண்டும். சிறைக்குள் போதை ஒழிப்பு திட்டங்களை தொடங்க வேண்டும். தில்லி மகளிா் ஆணையத் தலைவா் சுவாதி மாலிவால் தலைமையிலான குழுவினா் சிறைகளின் தலைமை இயக்குநா் மற்றும் மூத்த அதிகாரிகளை சந்தித்து சிறை செயல்பாடுகள், சிறைத்துறை நிா்வாகம் எதிா்கொண்டு வரும் சவால்கள் ஆகியவற்றை குறித்து விவாதித்தனா்.
சிறையில் அடைக்கப்பட்டுள்ள பெண்களில் 80 சதவீதம் போ் விசாரணைக் கைதிகள். அவா்கள் தண்டிக்கப்படவில்லை. சிறையில் உள்ள பெண்கள் விடுதலையாகும் போது அவா்கள் புதிய வாழ்க்கையை தொடங்குவதை உறுதிப்படுத்த சிறைக்குள் தேவையான சீா்திருத்தங்கள் மேற்கொள்ளப்பட வேண்டும் என்று சிறைத்துறை நிா்வாகத்திற்கு பரிந்துரைகள் அளிக்கப்பட்டுள்ளதாக அந்த அறிக்கையில் தெரிவிக்கப்பட்டுள்ளது.