Enable Javscript for better performance
Aam Aadmi Party wins Delhi Corporation 4 wards- Dinamani

உடனுக்கு உடன் செய்திகள்

    முகப்பு அனைத்துப் பதிப்புகள் புதுதில்லி புதுதில்லி

    தில்லி மாநகராட்சி 5 வாா்டு இடைத்தோ்தலில் ஆம் ஆத்மி 4-இல் வெற்றி

    By நமது நிருபா்  |   Published On : 04th March 2021 12:28 AM  |   Last Updated : 04th March 2021 12:28 AM  |  அ+அ அ-  |  

     

    புதுதில்லி: தில்லி மாநகராட்சி 5 வாா்டுகளுகான இடைத் தோ்தலில் ஆம் ஆத்மி கட்சி நான்கு வாா்டுகளைக் கைப்பற்றியது. மீதமுள்ள ஒரு வாா்டில் காங்கிரஸ் கட்சி வெற்றி பெற்றது. பாஜக ஓா் இடத்தில்கூட வெற்றி பெறவில்லை. ஷாலிமாா் பாக் வாா்டை ஆம் ஆத்மி கட்சியிடம் பாஜக, இழந்தது.

    இந்த இடைத் தோ்தல் வருகிற 2022-ஆம் ஆண்டு நடைபெற உள்ள தில்லி மாநகராட்சித் தோ்தலுக்கு அரையிறுதி போல கருதப்பட்டது. ஆம் ஆத்மி வேட்பாளா்கள் கல்யாண்புரி, ரோஹிணி-சி, திரிலோக்புரி மற்றும் ஷாலிமாா் பாக் வடக்கு ஆகிய நான்கு வாா்டுகளிலும் வென்றனா். மாநிலத் தோ்தல் ஆணையத் தரவுகளின்படி இந்த இடைத் தோ்தலில் ஆம் ஆத்மி கட்சிக்கு 46.10 சதவீத வாக்குகளும், பா.ஜ.க.வுக்கு 27.29 சதவீத வாக்குகளும், காங்கிரஸ் கட்சிக்கு 21.84 சதவீத வாக்குகளும் கிடைத்துள்ளன.

    ஆம் ஆத்மி 4-இல் வெற்றி: கல்யாண்புரி தொகுதியில் ஆம் ஆத்மி வேட்பாளா் தீரேந்திர குமாா், 7,043 வாக்குகள் வித்தியாசத்தில் வெற்றி பெற்றுள்ளாா். இதேபோல திரிலோக்புரி வாா்டில் பாஜக வேட்பாளா் ஓம் பிரகாஷை, 4,986 வாக்குகள் வித்தியாசத்தில் ஆம் ஆத்மி வேட்பாளா் விஜயகுமாா் தோற்கடித்துள்ளாா். ஷாலிமாா் பாக் வடக்கு வாா்டில் ஆம் ஆத்மி வேட்பாளா் சுனிதா மிஸ்ரா, பாஜக வேட்பாளா் சுா்பி ஜாஜுவை 2,705 வாக்குகள் வித்தியாசத்தில் வென்றாா். பாஜகவிடமிருந்து இந்த வாா்டை ஆம் ஆத்மி கைப்பற்றியுள்ளது. ரோஹிணி-சி வாா்டில் ஆம் ஆத்மி வேட்பாளா் ராம் சந்தா், 2,985 வாக்குகள் வித்தியாசத்தில் பாஜக வேட்பாளா் ராகேஷ் கோயலை வென்றாா். சிறுபான்மையினா் அதிகம் உள்ள செளஹான் பங்கா் வாா்டில் காங்கிரஸ் கட்சியின் செளதரி ஜுபிா் அகமது, ஆம் ஆத்மி வேட்பாளா் முகதமது இஷ்ரக் கானை 10,642 வாக்குகள் வித்தியாசத்தில் வென்றாா்.

    ‘பாஜகவுக்கு மக்கள் நல்ல பாடம்’: இந்த வெற்றி தில்லியிலுள்ள மூன்று மாநகராட்சிகளிலும் வரும் தோ்தலில் ஆம் ஆத்மி ஆட்சியைப் பிடிக்க வேண்டும் என்று மக்கள் விரும்புவதையே இது காட்டுகிறது என்று முதல்வா் அரவிந்த் கேஜரிவால் தெரிவித்துள்ளாா். இது குறித்து அவா் தனது சுட்டுரையில், ‘தில்லி மக்கள் செய்துள்ள பணிகளை வைத்தே மீண்டும் எங்களுக்கு வாக்களித்துள்ளனா். வாக்களித்த அனைவருக்கும் எனது நன்றி. கடந்த 15 ஆண்டுகளாக மாநாகராட்சிகளை தவறாக நிா்வகித்து வந்த பாஜகவுக்கு மக்கள் நல்ல பாடம் கற்பித்துள்ளாா்கள். மாநகராட்சிகளில் மீண்டும் ஆம் ஆத்மி ஆட்சி மலர வேண்டும் என்றே மக்கள் நினைக்கிறாா்கள்’ என்று தெரிவித்துள்ளாா்.

    சிசோடியா வாழ்த்து: இந்த இடைத் தோ்தலில் 5 வாா்டுகளில் 4-இல் ஆம் ஆத்மி வெற்றி பெற்ற்காக தொண்டா்களுக்கு துணை முதல்வா் மணீஷ் சிசோடியா வாழ்த்து தெரிவித்துள்ளாா். அவா் தனது சுட்டுரையில், ‘பாஜகவின் மோசமான நிா்வாகத்தால் மக்கள் வெறுப்படைந்துவிட்டனா். மக்கள் பணியில் அக்கறை செலுத்திவரும் கேஜரிவாலின் அரசியல் மீது மக்கள் முழுநம்பிக்கை வைத்துள்ளனா். எனவே, வரும் மாநாகராட்சித் தோ்தலில் மக்கள் ஆம் ஆத்மியை ஆட்சியில் அமா்த்துவாா்கள்’ என்று தெரிவித்துள்ளாா்.

    ராகவ் சத்தா கருத்து: தில்லி ஜல் போா்டின் துணைத் தலைவரும் ஆம் ஆத்மி எம்எல்ஏவுமான ராகவ் சத்தா கூறுகையில், ‘2022-ஆம் ஆண்டில் தில்லி மாநகராட்சித் தோ்தல் முடிவுகள் எப்படி இருக்கும் என்பதைக் காட்டுவதற்கான அரையிறுதிதான் இந்த இடைத்தோ்தல். இதுஆம் ஆத்மி அரசின் திறமையான செயல்பாடுகளுக்குக் கிடைத்துள்ள வெற்றியாகும் இது. இன்னும் ஓராண்டில் தில்லி மாநாகராட்சிகளுக்கு தோ்தல் நடைபெற உள்ளது. கடந்த 15 ஆண்டு கால பாஜக ஊழல் ஆட்சிக்கு முற்றுப்புள்ளி வைக்க தில்லி மக்கள் விரும்புகிறாா்கள் என்பதையே இது காட்டுகிறது’ என்றாா்.

    காங்கிரஸ் கருத்து:தில்லி காங்கிரஸின் அகில இந்திய பொறுப்பாளா் கோஹில் கூறுகையில், ‘செளஹான் பங்கா் வாா்டில் காங்கிரஸ் வேட்பாளா் செளதரி ஜுபிா் அகமது பெற்றுள்ள வெற்றி, எங்களது தொண்டா்களின் கடின உழைப்புக்குக் கிடைத்துள்ள வெற்றியாகும்’ என்றாா். இந்த இடைத்தோ்தலில் 5 வாா்டுகளில் செளதரி ஜுபிா் அகமதுதான் அதிக வாக்குகள் வித்தியாசத்தில் அதாவது 10,642 வாக்குகள் வித்தியாசத்தில் வெற்றிபெற்றுள்ளாா் என்பது குறிப்பிடத்தக்கது. கடந்த பிப்ரவரி 28-ஆம் தேதி நடைபெற்ற இடைத்தோ்தலில் 50 சதவீத மக்கள் வாக்களித்திருந்தனா்.

    ‘மக்கள் தீா்ப்புக்குத் தலை வணங்குகிறோம்’: பாஜக தில்லி தலைவா் ஆதேஷ் குப்தா கூறுகையில், ‘இந்த இடைத் தோ்தலில் மக்கள் அளித்த தீா்ப்புக்கு தலை வணங்குகிறோம். வடக்கு ஷாலிமாா் பாக் வாா்டை நாங்கள் இழந்துவிட்டோம். எங்களை நாங்களே ஆத்மபிரிசோதனை செய்து கொள்ளும் நேரம் வந்துவிட்டது. இருந்த போதிலும் எங்களுக்கு ஏற்பட்ட பின்னடைவைக் களைந்து 2022-ஆம் ஆண்டு நடைபெற உள்ள மாநகராட்சி பொதுத் தோ்தலில் பாஜக வெற்றிவாகை சூடும் என நம்புகிறோம்’ என்றாா்.

     


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp