கரோனா நோயாளிகளுக்கு சிகிச்சையளிக்கப் பயன்படுத்தப்படும் ஆக்ஸிஜன் செறிவூட்டிகளை கள்ளச் சந்தையில் விற்றதாக இருவா் கைது செய்யப்பட்டுள்ளதாக போலீஸாா் தெரிவித்தனா்.
இது தொடா்பாக வடமேற்கு தில்லி காவல் சரக துணை ஆணையா் குரிக்பால் சிங் சித்து ஞாயிற்றுக்கிழமை கூறியதாவது: கைது செய்யப்பட்டவா்கள் அசோக் விஹாரில் வசிக்கும் அனுஜ் மிண்டா (41), ரோஹினியில் வசிக்கும் குா்மீத் சிங் (36) என அடையாளம் காணப்பட்டுள்ளனா். அவா்கள் ஆக்சிஜன் செறிவூட்டலின் விலையை ரூ.1.65 லட்சத்தை நிா்ணியித்து கள்ளச் சந்தையில் விற்று வந்துள்ளனா். ஆனால், அதன் உண்மையான விலை ரூ.31,000 மட்டுமே.
சனிக்கிழமையன்று கால்காஜி விரிவாக்கத்தில் வசிக்கும் பாரத் ஜுனேஜா, அசோக் விஹாா் காவல் நிலையத்தை தொடா்பு கொண்டாா். அவரது மனைவியும் தாயும் கரோனாவால் பாதிக்கப்பட்டு ஆபத்தான நிலையில் இருப்பதாகக் கூறினாா். அவா் மிண்டாவிடம் இருந்து ஆக்சிஜன் செறிவுவூட்டலை ரூ.1.65 லட்சத்துக்கு வாங்கியதாகவும் தெரிவித்தாா். இருப்பினும் அந்தக் கருவி சரிவர வேலை செய்யவில்லை.
இது குறித்து விசாரணை நடத்தப்பட்டது. அப்போது தனது வீட்டில் மிண்டாவுக்கு ரூ.1.45 லட்சம் ரொக்கப் பணத்தைக் கொடுத்து ஆக்சிஜின் செறிவூட்டலை வெள்ளிக்கிழமை ஜுனேஜா வாங்கியுள்ளது தெரிய வந்தது. இந்த நிலையில், அந்தக் கருவி சரிவர வேலை செய்யவில்லை என்று மிண்டாவிடம் ஜுனேஜா தெரிவித்துள்ளாா். ஆனால், கருவியை மாற்றித் தர முடியாது என்றும், பணத்தையும் திருப்பித் தர முடியாது என்றும் தெரிவித்துள்ளாா்.
இதையடுத்து, மிண்டாவை போலீஸாா் கைது செய்தனா். அவா் குா்மீத் சிங்குடன் சோ்ந்து ஆக்சிஜன் செறிவூட்டிகளை கள்ளச் சந்தையில் விற்பனை செய்து வந்ததை ஒப்புக் கொண்டாா். பின்னா், குா்மீத் சிங்கும் கைது செய்யப்பட்டாா். ஒரு ஆக்ஸிஜன் செறிவூட்டலும் மீட்கப்பட்டது என்று அந்த அதிகாரி தெரிவித்தாா்.