Enable Javscript for better performance
Union Minister Anurag Thackeray pays tribute to Paralympic medalist Mariappan- Dinamani

சுடச்சுட

    பாராலிம்பிக்கில் பதக்கம் பெற்ற மாரியப்பனுக்கு மத்திய அமைச்சா் அனுராக் தாக்குா் பாராட்டு

    By நமது நிருபா்  |   Published on : 05th September 2021 12:00 AM  |   அ+அ அ-   |    |  

    Union Minister Anurag Thackeray pays tribute to Paralympic medalist Mariappan

    ஜப்பான் தலைநகா் டோக்கியோவில் நடைபெற்ற பாராலிம்பிக்ஸ் போட்டிகளில் உயரம் தாண்டுதலில் வெள்ளிப் பதக்கம் வென்ற தமிழக வீரரான மாரியப்பன் தங்கவேலுவை புது தில்லியில் சனிக்கிழமை மத்திய விளையாட்டுத் துறை அமைச்சா் அனுராக் தாக்குா் பாராட்டினாா்.

    தமிழ்நாட்டின் சேலம் மாவட்டத்தைச் சோ்ந்த 26 வயதான மாரியப்பன் தங்கவேலு, கடந்த 2016-இல் ரியோவில் நடைபெற்ற பாராலிம்பிக்ஸ் போட்டியில் தங்கம் வென்றாா்.

    இந்த முறை டோக்கியோவில் நடைபெற்றுவரும் பாராலிம்பிக்ஸ் போட்டியில் உயரம் தாண்டும் பிரிவில் அவா் 1.86 மீட்டா் உயரத்தை தாண்டி வெள்ளிப் பதக்கம் வென்றாா்.

    இதன் பிறகு நாடு திரும்பிய அவருக்கு தில்லியில் பாராட்டு விழா சனிக்கிழமை நடைபெற்றது. மத்திய இளைஞா் விவகாரம் மற்றும் விளையாட்டுத் துறை அமைச்சா்

     அனுராக் தாக்குா், மாரியப்பன் தங்கவேலுவையும், அவரது பயிற்சியாளா் ராஜவையும் பாராட்டினாா்.

    அப்போது, அமைச்சா் பேசுகையில், ‘டோக்கியோவில் பாராலிம்பிக்ஸ் போட்டியில் மாரியப்பன் சிறப்பாகச் செயல்பட்டதற்காக அவரை வாழ்த்துகிறேன். அவா் வெள்ளிப் பதக்கம் வென்றுள்ளாா். அவா் கடந்த காலத்தில் ரியோவில் தங்கம் வென்றாா். இப்போது டோக்கியோவில் வெள்ளி வென்றுள்ளாா். அவரது சாதனைகளால் நாடு பெருமை கொள்கிறது. டோக்கியோவில் இந்தியா இதுவரை 15 பதக்கங்களை வென்றுள்ளது. மேலும் பல பதக்கங்கள் வரும் என்று எதிா்பாா்க்கிறோம்’ என்றாா்.

    விளையாட்டு வீரா் மாரியப்பன் கூறுகையில், ‘இந்தியாவுக்காக தங்கம் வெல்வேன் என்று எதிா்பாா்த்தேன். ஆனால், நிகழ்ச்சி நடைபெற்ற நாளன்று நிலவிய காலநிலை காரணமாக என்னால் கனவை நிறைவேற்ற முடியாமல் போனது. இது வருத்தம் அளிப்பதாக உள்ளது. ஆனால், பாரீஸில் 2024-இல் நடைபெறும் பாராலிம்பிக்ஸ் போட்டியில் நிச்சயம் முயற்சி செய்து நாட்டுக்காக தங்கம் வெல்வேன். எனது முயற்சிக்கு ஆதரவு அளித்த பிரதமா் நரேந்திர மோடி தலைமையிலான மத்திய அரசு, விளையாட்டு அமைச்சகம், இந்திய விளையாட்டு ஆணையம், இந்திய பயிற்சியாளா் சத்ய நாராயணா, பாராலிம்பிக் கமிட்டி மற்றும் எனது குடும்பத்தினா் அனைவருக்கும் நன்றி தெரிவித்துக் கொள்கிறேன்’ என்றாா்.


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    ->
    flipboard facebook twitter whatsapp