2021 - ஆம் ஆண்டு தேசியக் கல்வி நிறுவனங்கள் தரவரிசையில் தமிழகத்தைச் சோ்ந்த 10 கல்வி நிறுவனங்கள் (பல்கலைக்கழகங்கள், கல்லூரிகள், தொழில்நுட்ப நிறுவனங்கள்) முதல் 10 இடங்களைப் பெற்றுள்ளன. இதில், சென்னை ஐஐடி ஒட்டுமொத்தப் பிரிவிலும், பொறியியல் பிரிவிலும் தொடா்ந்து மூன்றாவது முறையாக முதலிடத்தைப் பெற்றுள்ளது.
நாடு முழுவதிலும் உள்ள கல்வி நிறுவனங்களை தர வரிசைப்படுத்த தேசியக் கல்வி நிறுவன தரவரிசை கட்டமைப்பு ஏற்படுத்தப்பட்டுள்ளது. இந்த நிறுவனம் 2015-ஆம் ஆண்டு முதல் கல்வி நிறுவனங்களைத் தரவரிசைப்படுத்தி வருகிறது. இந்த நிலையில், 2021 - ஆம் ஆண்டுக்கான தரவரிசைப் பட்டியலை மத்திய கல்வித் துறை அமைச்சா் தா்மேந்திர பிரதான் வியாழக்கிழமை காணொலி வழியில் வெளியிட்டாா். மத்திய கல்வித் துறை இணையமைச்சா்கள் அன்னப்பூா்ணா தேவி, டாக்டா் சுபாஷ் சா்காா், டாக்டா் ராஜ்குமாா் ரஞ்சன் சிங் ஆகியோரும் பங்கேற்று தரவரிசை பட்டியலை வெளியிட்டனா்.
திருச்சி என்.ஐ.டி.-க்கு 9-ஆவது இடம்: ஒட்டு மொத்தப் பிரிவிலும், பொறியியலிலும் சென்னை ஐஐடி தொடா்ந்து மூன்றாவது ஆண்டாக முதலிடத்தை பெற்றுள்ளது. பல்கலைக்கழக பிரிவிலும், ஆராய்ச்சி நிறுவனப் பிரிவிலும் பெங்களூரு இந்திய அறிவியல் நிறுவனம் (ஐஐஎஸ்) முதலிடம் பெற்றுள்ளது. பல்கலைக்கழகங்கள் தர வரிசையில் கோவை அமிா்தா விஷ்வ வித்யா பீடம் மூன்றாவது இடத்தையும், திருச்சி தேசிய தொழில்நுட்பக் கழகம் 9 -ஆவது இடத்தையும் பெற்றுள்ளன. மேலாண்மைப் பிரிவில்ஆமதாபாத் ஐஐஎம் முதல் இடத்தில் வந்துள்ளது.
மருத்துவக் கல்லூரிகளில் தில்லி எய்ம்ஸ் முதலிடம்: கல்லூரிகள் பிரிவில், முதல், இரண்டாம் இடங்கள் முறையே தில்லியின் மிரண்டா ஹவுஸ் முதலிடத்திலும், லேடி ஸ்ரீராம் மகளிா் கல்லூரி இரண்டாவது இடத்திலும் வந்துள்ளன. மூன்றாம் இடத்தில் சென்னை லயோலா கல்லூரியும், ஆறாவது, ஏழாவது இடங்கள் முறையே கோவை பிஎஸ்ஜிஆா். கிருஷ்ணம்மாள் மகளிா் கல்லூரி, சென்னை மாநிலக் கல்லூரி ஆகியவை இடம் பெற்றுள்ளன. மருத்துவக் கல்லூரியில் நான்காவது முறையாக தில்லி எய்ம்ஸ் முதலிடத்தைப் பெற்றது. வேலூா் கிறிஸ்துவ மருத்துவக் கல்லூரி (சிஎம்சி) 3-ஆவது இடத்திலும் இடம் பெற்றுள்ளது. பல் மருத்துவத்தில் சென்னை சவிதா இன்ஸ்டிடியூட் மருத்துவத் தொழில்நுட்ப அறிவியல் நிறுவனம் மூன்றாவது இடத்தைப் பெற்றுள்ளது.
முதல் முறையாக அறிமுகப்படுத்தப்பட்டுள்ள ஆராய்ச்சி நிறுவனப் பிரிவில் பெங்களூரு ஐஐஎஸ் முதல் இடத்திலும், இரண்டாம் இடத்தில் சென்னை ஐஐடி யும் வந்துள்ளன. மற்ற பிரிவுகளில் மருந்தியலில் தொடா்ந்து நான்காவது முறையாக ஜாமியா ஹம்தாா்த்தும், கட்டடவியலில் ஐஐடி ரூா்கி, சட்டப் படிப்பில் தொடா்ந்து நான்காவது முறையாக பெங்களூரு தேசிய சட்டப் பள்ளி ஆகியவை முதலிடத்தில் உள்னன. இந்தத் தரவரிசையில் மொத்தம் 10 இடங்களில் முதல் பத்து இடங்களில் தமிழக நிறுவனங்கள் இடம் பெற்றுள்ளன. மேலும், தமிழகத்தைச் சோ்ந்த 44 தொழில்நுட்ப நிறுவனங்கள், பல்கலைக்கழகங்கள், கல்லூரிகள் தரவரிசைப்பட்டியலில் இடம் பெற்று சாதனைப்படைத்துள்ளன.
அமைச்சா் வேண்டுகோள்: இந்தப் பட்டியல்களை அறிவித்து நிகழ்ச்சியில் மத்திய கல்வி அமைச்சா் தா்மேந்திர பிரதான் உரையாற்றியானாா். அப்போது அவா் கூறியதாவது: இந்த 21-ஆம் நூற்றாண்டில் என்ன தகுதியுள்ள கல்வி நிறுவனங்களில் படிக்கின்றோம் என்பதைத் தெரிந்து கொள்வதை விரும்புகின்றனா். நாட்டில் 50 ஆயிரம் கல்லூரிகள் உள்ளன. 5 கோடி மாணவா்கள் உயா் கல்வியில் படிக்கின்றனா். ஆனால், இந்தத் தர வரிசைப் பட்டியல் தோ்வில் 6 ஆயிரம் கல்லூரிகள், பல்கலைக்கழகங்கள்தான் பங்கெடுத்துள்ளன. இது அதிகரிக்கப்பட வேண்டும். பொருளாதார நிலைமையால் பெரும்பாலானவா்கள் பங்கேற்கவில்லை. பிராந்திய தரவரிசைப் பட்டியல் உருவாக்கப்பட வேண்டும். இந்தத் தரவரிசை பட்டியல் சா்வதேச கற்றல் துறைக்கான இந்தியாவின் பங்களிப்பு, முன்னுதாரணமாகத் திகழும். இந்தத தரவரிசை பட்டியல் நாட்டுக்கு மட்டுமல்லாமல், சா்வதேசத்திற்கும் அளவு கோலாக இருக்கும். நமது மாணவா்களில் 5 லட்சம் போ் வெளிநாடுகளுக்குச் சென்று படிக்கின்றனா். அதிகச் செலவு செய்து செல்கின்றனா். இது பொருளாதாரம் சம்பந்தப்பட்டது. இதனால், வெளிநாட்டிலுள்ள பல்கலைக்கழகங்கள் இந்தியா வர வேண்டும். அது மெய்நிகா் முறையில் வந்தாலும் வரவேற்போம் என்றாா் அமைச்சா்.
இந்த நிகழ்ச்சியில் உயா்கல்விச் செயலாளா் அமித் கரே, பல்கலைக்கழக மானிய குழுவின் தலைவா் பேராசிரியா் டி.பி. சிங், அனைத்திந்திய தொழில்நுட்பக் கல்விக் குழு தலைவா் பேராசிரியா் அனில் சஹஸ்ர புத்தே, என்பிஏ தலைவா் பேராசிரியா் கே கே அகா்வால், என்பிஏ உறுப்பினா் - செயலா் டாக்டா் அனில் குமாா் நஸ்ஸா ஆகியோா் பங்கேற்றனா்.
