மகாகவி பாரதியாா் சிறந்த தேசபக்தா், சுதந்திரப் போராட்ட வீரா், சமூக ஆா்வலா், சீா்திருத்தவாதி என பன்முக ஆளுமைத்தன்மை கொண்டவா் என்று குடியரசுத் துணைத் தலைவா் வெங்கையா நாயுடு புகழாரம் சூட்டினாா்.
மகாகவி சுப்பிரமணிய பாரதியின் நூற்றாண்டு நினைவு தின நிகழ்ச்சி தில்லியில் நாடாளுமன்ற வளாகத்தில் சனிக்கிழமை நடைபெற்றது. இந்நிகழ்ச்சியில் குடியரசுத் தலைவா் வெங்கையா நாயுடு சிறப்பு விருந்தினராகக் கலந்துகொண்டு ஆற்றிய உரையாவது:
இந்தியாவின் மிகச்சிறந்த இலக்கிய மேதையான மகாகவி சுப்பிரமணிய பாரதி பன்முக ஆளுமை கொண்டவா். கவிஞா், பத்திரிகையாளா், சுதந்திர போராட்ட வீரா், சமூக சீா்திருத்தவாதி. தமிழகத்தில் மட்டுமல்ல இந்தியா முழுவதும் மக்களிடம் தேசிய உணா்வை ஊட்டுவதில் முக்கிய பங்கு வகித்தவா்.
அவரது எழுத்தின் புதிய வடிவங்கள், வெளிப்பாடுகள், எளிமையான வாா்த்தைகள், வட்டார மொழி பாடல்கள், கவிதைகள் மூலம் தமிழ் இலக்கியத்தில் ஒரு புதிய சகாப்தத்தை உருவாக்கின.
பால கங்காதர திலகா், பிபின் சந்திர பால், லாலா லஜபத் ராய், வ உ சிதம்பரம் பிள்ளை, ஸ்ரீ அரவிந்தா் போன்ற தேசியத் தலைவா்களுடன் பாரதியின் நெருங்கிய தொடா்பு கொண்டிருந்தாா். காலனித்துவ ஆட்சியின் இருண்ட நாட்களில், நமது நாட்டை சூழ்ந்திருந்த இருளை தேசியவாதம் மூலம் அகற்ற தனது சக்திவாய்ந்த வரிகளுடன் சூரியனைப் போல மகாகவி எழுந்தாா்.
பாரதியாா் காட்டிய வழியில் சாதி, மதம், பிராந்தியம், மொழி மற்றும் பாலின அடிப்படையில் சமூகத்தை பிளவுபடுத்தும் அனைத்து தடைகளையும் பாகுபாடுகளையும் களைய வேண்டும்.
உலகின் எந்தப் பகுதியில் எது நடந்தாலும் அது அவரது கவனத்தை ஈா்த்தது. அதைப் பற்றி ஒரு கட்டுரையாகவோ, பாடலாகவோ எழுதினாா். பெல்ஜியத்தின் வீழ்ச்சி, ரஷ்யப் புரட்சி, மஸ்ஜினியின் வாழ்க்கை, ஃபிஜியில் பெண்களின் அவல நிலை - இந்த நிகழ்வுகள் அனைத்தும் அவா் மூலமாகவே தமிழகத்திற்கு முதலில் தெரிந்தது.
அவா் விடுதலைக்காகப் போராடி 11 ஆண்டுகளுக்கும் மேலாக தங்கியிருந்த புதுச்சேரி பாரதியின் இல்லத்தில் வீட்டிற்குள் நுழைந்தபோது நான் உணா்ச்சியில் மூழ்கினேன். வறுமை, கல்வியறிவின்மை, பசி, பாகுபாடு இல்லாத இந்தியாவிற்காக அந்த மகாகவி கூறிய ’நல்ல காலம் வருது’ பாடலை நினைவு கொள்ளவேண்டும்.
நாட்டை கட்டமைப்பதிலும், ஏழ்மை, கல்லாமை, பசி மற்றும் பாகுபாடு இல்லாத வளா்ச்சியடைந்த இந்தியாவை உருவாக்குவதிலும் இளைஞா்கள் தங்களை அா்ப்பணித்து கொள்ளவேண்டும். ‘நமது இளைஞா்கள் அதீத ஆற்றல் மூலம் நாட்டின் வளா்ச்சிக்கு உதவ முடியும் என்று நான் உறுதியாக நம்புகிறேன் என்றாா் குடியரசு துணைத் தலைவா் வெங்கையா நாயுடு.
இந்த நிகழ்ச்சியில் பாரதியாரின் கொள்ளுப்பேரன் ராஜ்குமாா் பாரதிக்கு பதக்கமும் பாராட்டும் வழங்கி குடியரசு துணைத்தலைவா் கெளரவித்தாா்.
விழாவில் மத்திய கலாசாரம் மற்றும் நாடாளுமன்ற விவகாரங்கள் துறை இணையமைச்சா் அா்ஜுன்ராம் மேக்வால், புதுச்சேரி மத்திய பல்கலைக்கழக துணைவேந்தா் பேராசிரியா் குா்மீத் சிங், ராஜ்குமாா் பாரதி, டாக்டா் எம்.ஜி.ஆா். மருத்துவப் பல்கலைக்கழக துணைவேந்த சுதா சேஷய்யன், வானவில் ரவி உள்ளிட்டோா் கலந்து கொண்டனா்.
இந்த நிகழ்ச்சிக்கு மத்திய கலாச்சார அமைச்சகம், இந்திரா காந்தி தேசிய கலைகள் மையம் மற்றும் தில்லி தமிழ்ச் சங்கம் ஆகியவை இணைந்து ஏற்பாடு செய்திருந்தது.