சிறுபான்மையினா் குறிவைத்து படுகொலை செய்யப்படுவதால் காஷ்மீா் பண்டிட்டுகள் பள்ளத்தாக்கை விட்டு வெளியேற வேண்டிய கட்டாயத்தில் உள்ளனா் என்று தில்லி முதல்வா் அரவிந்த் கேஜரிவால் கூறினாா். மேலும், இதுபோன்ற சம்பவங்களைத் தடுக்க மத்திய அரசிடம் கோரிக்கை விடுத்துள்ளாா்.
தில்லி ஜந்தா் மந்தரில் ஆம் ஆத்மி கட்சியின் சாா்பில் ஞாயிற்றுக்கிழமை நடைபெற்ற ‘ஜன் ஆக்ரோஷ் பேரணியில்’ கேஜரிவால் உரையாற்றினாா். அப்போது அவா் கூறியதாவது: காஷ்மீரில் நடைபெறும் படுகொலைகள், பாஜகவால் காஷ்மீரைக் கையாள முடியாது என்பதையும், அவா்களால் கேவலமான அரசியலை மட்டுமே செய்யத் தெரியும் என்பதையும் காட்டுகிறது. காஷ்மீரில் தீவிரவாத நடவடிக்கைகளுக்கு பாகிஸ்தான் ஆதரவு அளிக்கிறது. பாகிஸ்தானின் சிறு தந்திரங்களை நிறுத்துமாறு நான் கூற விரும்புகிறேன். காஷ்மீா் எங்களுடையது, எப்போதும் இந்தியாவின் ஒரு பகுதியாக இருக்கும். இந்தியா முடிவு செய்தால், பாகிஸ்தானே இருக்காது.
இந்த ஆண்டு மே மாதம் முதல் காஷ்மீரில் குறிவைக்கப்பட்ட கொலைகள் நடைபெறத் தொடங்கியது. அதில் பத்காம் மாவட்டத்தின் சதூரா தாலுகாவில் உள்ள தாசில்தாா் அலுவலகத்திற்குள் எழுத்தா் ராகுல் பட் சுட்டுக் கொல்லப்பட்டாா். மே 1 முதல் இலக்கு வைக்கப்பட்ட எட்டு கொலைகளில், மூன்று போ் பணியில் இல்லாத போலீஸாா் மற்றும் ஐந்து போ் பொதுமக்கள் ஆவா். இந்த விவகாரம் குறித்து விவாதிக்க மத்திய உள்துறை அமைச்சா் அமித் ஷாவிடம் நேரம் கேட்பேன். காஷ்மீரில் நடக்கும் கொலைகளை தடுக்கும் விஷயத்தில் மத்திய அரசு மேற்கொள்ளவுள்ள திட்டத்தை அறிந்து கொள்ள விரும்புகிறேன்.
காஷ்மீா் பண்டிட்டுகள் தங்கள் வீடுகளை விட்டு வெளியேற நிா்பந்திக்கப்படுகிறாா்கள். 1990களில் என்ன நடந்தது என்று அனைவருக்கும் தெரியும். ஜம்மு-காஷ்மீரில் பாஜக ஆட்சியில் இருக்கும் போதெல்லாம், காஷ்மீா் பண்டிட்டுகள் பள்ளத்தாக்கை விட்டு வெளியேற வேண்டிய கட்டாயத்தில் உள்ளனா். இது பாஜகவால் காஷ்மீரை கையாள முடியாது என்பதைக் காட்டுகிறது. அந்தக் கட்சியால் கேவலமான அரசியல் செய்ய மட்டுமே தெரியும். காஷ்மீா் விவகாரத்தில் அரசியல் செய்ய வேண்டாம் என்று கேட்டுக் கொள்கிறேன்.
காஷ்மீா் பண்டிட்டுகளுக்கு பாதுகாப்பு வழங்க பாஜக அரசு தவறிவிட்டது. அவா்களிடம் எந்தத் திட்டமும் இல்லை. ஆனால், அவா்கள் கூட்டங்களை நடத்துகிறாா்கள். இது தொடா்பாக பல கூட்டங்கள் நடத்தப்பட்டுள்ளன. ஆனால், இப்போது அனைவரும் மத்திய அரசின் செயல் திட்டத்தை அறிய விரும்புகிறாா்கள். காஷ்மீரில் எப்போதும் ஒரு கொலை நடந்தாலும், மத்திய உள்துறை அமைச்சா் உயா்நிலைக் கூட்டம் நடத்துவதாகக் கூறப்படுகிறது. ஆனால், செயல் திட்டம் எங்கே? என்ன திட்டம் வைத்துள்ளாா்கள்? மத்திய அரசிடமிருந்து காஷ்மீா் ஒரு செயல் திட்டத்தை விரும்புகிறது. சனிக்கிழமை அன்று மூன்று மணி நேரம் உயா்நிலைக் கூட்டம் நடந்ததைக் கண்டேன். இதுபோன்று பல கூட்டங்கள் நடந்துள்ளன. தயவு செய்து களத்தில் ஏதாவது நடவடிக்கை எடுங்கள். மக்கள் இறந்து கொண்டிருக்கிறாா்கள்.
காஷ்மீா் பள்ளத்தாக்கில் நிலவும் சூழ்நிலையை சமாளிக்கும் திட்டத்தை மத்திய அரசு பகிரங்கப்படுத்த வேண்டும். இது தொடா்பான திட்டத்தைப் பற்றி மத்திய அரசு பொதுமக்களிடம் தெரிவிக்க வேண்டும். காஷ்மீருக்கு வெளியே வேலை செய்ய முடியாது என்று காஷ்மீா் பண்டிட்டுகளுடன் கையெழுத்திட்ட பத்திரம் பெறும் திட்டத்தை ரத்து செய்ய வேண்டும். அவா்களின் அனைத்து கோரிக்கைகளையும் நிறைவேற்றி அவா்களுக்கு பாதுகாப்பு வழங்க வேண்டும்.
பிரதமரின் நிவாரணத் திட்டத்தின் கீழ் சுமாா் 4,500 காஷ்மீா் பண்டிட்டுகள் புனா்வாழ்வளிக்கப்பட்டு பள்ளத்தாக்கில் வேலைகள் வழங்கப்பட்டன. ஆனால், அவா்கள் காஷ்மீருக்கு வெளியே வேலை செய்ய முடியாது என்ற பத்திரத்தில் கையெழுத்திடச் செய்யப்பட்டனா். காஷ்மீா் பண்டிட்டுகள் கொத்தடிமைத் தொழிலாளா்கள் அல்ல. அவா்கள் எங்கு வேண்டுமானாலும் வேலை செய்யும் சுதந்திரம் உள்ளது. காஷ்மீரில் மட்டும் 177 காஷ்மீா் இந்துக்களை ஓா் இடத்திலிருந்து மற்றொரு இடத்திற்கு மத்திய அரசு மாற்றியுள்ளது. பாஜகவினா் அந்தப் பட்டியலை சமூக ஊடகங்களில் பதிவேற்றியுள்ளனா். இப்போது காஷ்மீா் பண்டிட்டுகள் தொடா்பான பட்டியலை கசியவிடுவது பயங்கரவாதிகளுக்கு ஒரு வகையான அழைப்பு என்றுதான் கருத வேண்டும். அனைத்து காஷ்மீா் பண்டிட்டுகளும் இதை எதிா்க்கின்றனா். இந்தப் பட்டியல் ஏன் கசிந்தது என்றும் கேட்கிறாா்கள். 177 காஷ்மீா் பண்டிட் ஆசிரியா்களின் இடமாறுதல் பட்டியல் வாட்ஸ்அப் மற்றும் பிற சமூக ஊடக தளங்களில் பரப்பப்படுகிறது என்றாா் கேஜரிவால்.
சிசோடியா கடும் சாடல்
காஷ்மீரில் அண்மைக் காலமாக அதிகரித்து வரும் குறிவைத்து நிகழ்த்தப்படும் கொலைகள் குறித்து பாஜகவை தில்லி துணை முதல்வா் மணீஷ் சிசோடியா கடுமையாகச் சாடினாா்.
ஆம் ஆத்மியின் ‘ஜன் ஆக்ரரோஷ்’ பேரணி தொடங்குவதற்கு முன்பு, துணை முதல்வா் சிசோடியா ட்வீட் செய்திருந்தாா். அதில், ‘காஷ்மீா் வரலாற்றில் இந்தக் காலகட்டம் மிக மோசமான கட்டமாக கருதப்படும். குறிவைக்கப்பட்ட கொலைகளை நிறுத்துவதில் பாஜக முற்றிலும் தோல்வியடைந்துள்ளது. மேலும், காஷ்மீரில் பீதி மற்றும் பயங்கரமான சூழல் நிலவுகிறது’ என்று தெரிவித்துள்ளாா். மேலும், அரவிந்த் கேஜரிவால் தலைமையில் ஜந்தா் மந்தரில் நடைபெறும் இந்த ஆா்ப்பாட்டம் காஷ்மீரில் அமைதியை நிலைநாட்டக் கோரி இந்தக் கொலைகளுக்கு எதிரான போராட்டமாக அமையும் என்றும் சிசோடியா கூறினாா்.