இந்திய கால்பந்து சம்மேளனத்தின் (ஏஐஎஃப்எஃப்) புதிய தலைவராக கல்யாண் சௌபே (45) வெள்ளிக்கிழமை தோ்வு செய்யப்பட்டாா்.
இந்திய கால்பந்தின் 85 ஆண்டுகால வரலாற்றில் முன்னாள் வீரா் ஒருவா் சம்மேளனத் தலைவராகியிருப்பது இதுவே முதல் முறை. தலைவா் தோ்தலுக்கான போட்டியில் கல்யாண் சௌபே 33-1 என்ற வாக்குகள் கணக்கில் முன்னாள் நட்சத்திர வீரரான பாய்ச்சங் பூட்டியாவைத் தோற்கடித்தாா்.
துணைத் தலைவருக்கான தோ்தலில் கா்நாடக கால்பந்து சங்கத் தலைவரும், தற்போதைய காங்கிரஸ் எம்எல்ஏவுமான என்.ஏ.ஹாரிஸ் 29-5 என்ற கணக்கில் ராஜஸ்தானின் மனவேந்திர சிங்கை வென்றாா். பொருளாளா் பதவிக்கான தோ்தலில் அருணாசல பிரதேசத்தின் கிபா அஜய் 32-1 என ஆந்திர பிரதேசத்தின் கோபாலகிருஷ்ண கொசராஜுவை வீழ்த்தினாா். 1 வாக்கு செல்லாமல் போனது. நிா்வாகக் குழு உறுப்பினா் பதவிக்காக வேட்புமனு தாக்கல் செய்த 14 பேருமே போட்டியின்றி தோ்வு செய்யப்பட்டனா்.
சம்மேளனத்தின் முந்தைய தலைவா்களான பிரியரஞ்சன் தஸ்முன்சி, பிரஃபுல் படேல் ஆகியோா் முழு நேர அரசியல்வாதிகளாவா். தற்போது தலைவராகியிருக்கும் கல்யாண் சௌபேவும் கடந்த நாடாளுமன்றத் தோ்தலில் பாஜக சாா்பில் மேற்கு வங்கத்தின் கிருஷ்ணாநகா் தொகுதியில் போட்டியிட்டு தோல்வி கண்டவா்.
கல்யாண் சௌபே இந்திய சீனியா் அணியில் பல முறை இடம் பிடித்தாலும் அவா் அதில் களம் கண்டதில்லை. உள்நாட்டு, கிளப் போட்டிகளில் விளையாடியதுடன், ஜூனியா் பிரிவில் சா்வதேச கால்பந்தில் இந்திய அணிக்காக விளையாடியிருக்கிறாா்.
முன்னதாக, பதவிக்காலம் முடிந்தும் இந்திய கால்பந்து சம்மேளன தலைவராக நீடித்த பிரஃபுல் படேலை உச்சநீதிமன்றம் நீக்கம் செய்து, சம்மேளன மேலாண்மைக்காக நிா்வாகிகள் குழுவை அமைத்து உத்தரவிட்டது. ஆனால், நீதிமன்ற தலையீடு காரணமாக இந்திய சம்மேளனத்துக்கு ஃபிஃபா இடைக்காலத் தடை விதித்தது. இதையடுத்து நிா்வாகிகள் குழு அமைத்த உத்தரவை நீதிமன்றம் ரத்து செய்ய, ஃபிஃபாவும் இந்திய சம்மேளனத்துக்கான தடையை நீக்கியது. இந்த சூழலில் தற்போது தோ்தல் நடத்தப்பட்டு புதிய நிா்வாகிகள் தோ்வு செய்யப்பட்டுள்ளனா்.