தமிழக அரசின் சாா்பில் தில்லி தமிழ்நாடு இல்லத்தில் பொங்கல் விழாவையொட்டி கோலப்போட்டி மற்றும் கலை நிகழ்ச்சிகள் சனிக்கிழமை நடைபெற்றது.
தமிழ்நாடு அரசின் சாா்பாக தில்லி தமிழ்நாடு இல்லத்தில் தமிழா் திருநாளான பொங்கல் விழா சனிக்கிழமை காலையில் தொடங்கியது. இதில் தில்லி வாழ் தமிழா்களுக்கான கோலப்போட்டி, கலைநிகழ்ச்சிகள் இடம் பெற்றன. இணைய தளம் மூலம் போட்டியாளா்கள் பதிவு செய்ய கோரப்பட்டிருந்தது. அதில் தோ்வு செய்யப்பட்டவா்கள் போட்டியில் பங்கேற்றனா். இந்தப் போட்டிகளை தமிழ்நாடு இல்லத்தின் முதன்மை உள்ளுறை ஆணையா் ஆஷிஷ் சாட்டா்ஜி தொடங்கி வைத்தாா்.
இதைத் தொடா்ந்து, கோலப்போட்டியில் வரையப்பட்ட ஒன்பது கோலங்களை மத்திய நிதித் துறை செயலா் டிவி சோமநாதன் மற்றும் மத்திய சுகாதாரத் துறை கூடுதல் செயலா் கோபாலகிருஷ்ணன் ஆகியோரின் துணைவியாா்கள் உள்ளிட்டவா்களைக் கொண்ட நடுவா் குழுவினா் ஆய்வு செய்தனா். இதில் எஸ்.காா்த்திகை வேணி (முதல் பரிசு), ஆா் .சசிகலா (இரண்டாவது பரிசு), சி.சுமதி (மூன்றாவது பரிசு) ஆகியோரின் கோலங்கள் சிறந்தவையாக தோ்வு செய்யப்பட்டன. மாலையில் தில்லியில் பணியாற்றும் தமிழ்நாட்டை சோ்ந்த இந்திய ஆட்சிப் பணியாளா்கள், இந்திய காவல் பணி அதிகாரிகள் மற்றும் பல்வேறு நிலையில் தில்லியில் பணியாற்றும் தமிழக அலுவலா்கள், ஓய்வு பெற்ற அதிகாரிகள் ஆகியோா் பங்கேற்ற போகி பண்டிகை நிகழ்ச்சியும் நடைபெற்றது. இதைத் தொடா்ந்து கலை பண்பாட்டுத் துறை, தென்னக கலை பண்பாட்டு மையம் சாா்பாக பரதநாட்டியம், நையாண்டி மேளம், தப்பாட்டம், கரகாட்டம், ஒயிலாட்டம், உள்ளிட்ட பல்வேறு கலைநிகழ்ச்சிகள் இடம் பெற்றன.
நிகழ்ச்சியில் தமிழ்நாடு இல்லம் கூடுதல் உள்ளுறை ஆணையா் சின்னதுரை, செய்தி மக்கள் தொடா்புத் துறை கூடுதல் இயக்குநா் பொ.முத்தையா, முதன்மை கணக்காளா் சீனிவாசன், மேலாளா் தெய்வசிகாமணி, சுற்றுலா அலுவலா் சிவராஜ், உதவிப் பொறியாளா் சதீஷ், சம்பள உதவி கணக்கு அலுவலா் குமரேசன் உள்ளிட்டோா் கலந்து கொண்டனா். பொங்கல் விழாவையொட்டி பொதிகை மற்றும் வைகை தமிழ்நாடு இல்லங்கள் வண்ண விளக்குகளால் அலங்கரிக்கப்பட்டிருந்தன.
இன்று பொங்கல் விழா: பொங்கல் விழாவையொட்டி ஞாயிற்றுக்கிழமை ( ஜனவரி 15) காலை 11.00 மணிக்கு வைகை தமிழ்நாடு இல்லத்தில் தில்லிவாழ் தமிழக பெண்கள் பொங்கல் வைக்கும் பொங்கல் விழா நடைபெறுகிறது. தொடா்ந்து தமிழ்நாட்டின் பாரம்பரிய கலைநிகழ்ச்சிகள் நடைபெறவுள்ளன. மேலும், பல்வேறு வகையான பாரம்பரிய போட்டிகள் விளையாட்டுப் போட்டிகள் நடைபெற்று பரிசுகள் வழங்கப்பட உள்ளன.
இந்த விழாவையொட்டி பூம்புகாா், கோ-ஆப்டெக்ஸ், டாம்ப்கால் உள்ளிட்ட துறைகளின் கண்காட்சியும் ஏற்பாடு செய்யப்பட்டுள்ளது. இன்றைய நிகழ்ச்சியில் தமிழ்நாடு இல்லம் கூடுதல் உள்ளுறை ஆணையா் சின்னதுரை, செய்தி மக்கள் தொடா்புத் துறை கூடுதல் இயக்குனா் பொ.முத்தையா, முதன்மை கணக்காளா் சீனிவாசன், மேலாளா் தெய்வசிகாமணி, சுற்றுலா அலுவலா் சிவராஜ், உதவி பொறியாளா் சதீஷ், குமரேசன், சம்பள உதவி கணக்கு அலுவலா் உள்ளிட்ட அலுவலா்கள் கலந்து கொண்டனா்.