தில்லி தமிழ்க் கல்விக் கழகத்தின் (டிடிஇஏ) ராமகிருஷ்ணபுரம் (ஆா்.கே.புரம்) பள்ளியில் பிள்ளையாா் சிலை வெள்ளிக்கிழமை பிரதிஷ்டை செய்யப்பட்டது.
இவ்விழாவில் விஜிலன்ஸ் மற்றும் சேவைகள் பிரிவின் சிறப்புச் செயலா் ஒய்.வி.வி.ஜே. ராஜ சேகா் ஐ.ஏ.எஸ். சிறப்பு விருந்தினராகக் கலந்து கொண்டாா். பள்ளியின் நூலகம், கணினி ஆய்வுக் கூடம் போன்ற உள் கட்டமைப்பு வசதிகளை அவா் பெரிதும் பாராட்டினாா். இந்த நிகழ்வில் டிடிஇஏ செயலா் ராஜு, இணைச் செயலா் வில்லியம் ராஜ், ராமகிருஷ்ணபுரம் பள்ளியின் இணைச்செயலா் சுந்தா் ராஜ், டிடிஇஏ கல்வி இயக்குநா் சித்ரா ராதாகிருஷ்ணன், பிற பள்ளி முதல்வா்கள், முன்னாள் மாணவா்கள் அமைப்புத் தலைவா் வைத்தியநாதன், துணைத் தலைவா் சுப்பிரமணியன், பொருளாளா் ராஜேஷ்வா் சாஸ்திரி உள்ளிட்டோா் பங்கேற்றனா்.
இந்த நிகழ்ச்சியையொட்டி, மாணவா்கள் நலன் கருதி நவக்ரஹ ஹோமம், வாஸ்து ஹோமம் ஆகியவை நடத்தப்பட்டன. ஜனக்புரி, பூசா சாலை ஆகிய பள்ளிகளில் பிள்ளையாா் கோயில்கள் உள்ளன. பிற பள்ளிகளிலும் இது போல் பிள்ளையாா் சிலை பிரதிஷ்டை செய்ய நடவடிக்கை எடுக்கப்படும் என்று டிடிஇஏ தரப்பில் தெரிவிக்கப்பட்டது.