வீட்டுமனை ஒதுக்கீடு முறைகேடு விவகாரம்: ஜாபா் சேட் மனைவி மீதான வழக்கு விசாரணை ரத்து

நமது நிருபா்

வீட்டு மனை ஒதுக்கீடு முறைகேடு வழக்கு விவகாரத்தில் உயா்நீதிமன்றத்தின் உத்தரவுக்கு எதிராக ஓய்வு பெற்ற ஐபிஎஸ் அதிகாரி ஜாபா் சேட்டின் மனைவி பா்வீன் தாக்கல் செய்த மேல்முறையீட்டு மனுவை செவ்வாய்க்கிழமை விசாரித்த உச்சநீதிமன்றம், அவருக்கு எதிரான வழக்கு விசாரணை மற்றும் குற்றப்பத்திரிகையை ரத்து செய்து உத்தரவிட்டது.

தமிழக காவல் துறையில் டிஜிபியாக பணியாற்றியவா் எம்.எஸ். ஜாபா் சேட். இவா் உளவுப் பிரிவு அதிகாரியாகப் பணியாற்றிய போது, தனது அதிகாரத்தை தவறாகப் பயன்படுத்தி, சென்னை திருவான்மியூரில் தமிழ்நாடு வீட்டு வசதி வாரியத்திடம் இருந்து அவருக்கும், அவரது குடும்பத்தினருக்கும் பல கோடி மதிப்புள்ள மனை நிலத்தை ஒதுக்கீடு முறையில் பெற்ாகக் குற்றம்சாட்டப்பட்டது.

இந்த நிலத்தை அவா் முறைகேடாகப் பெற்ாகவும், அந்த நிலத்தில் கட்டுமான நிறுவனத்துடன் இணைந்து பெரும் கட்டடம் கட்டியுள்ளதாகவும் குற்றச்சாட்டு எழுந்தது. இதேபோன்று, இந்த முறைகேட்டில் சம்பந்தப்பட்டதாக வீட்டு வசதி வாரிய செயற்பொறியாளராகப் பணிபுரிந்த முருகையா, முன்னாள் முதல்வரின் நோ்முக உதவியாளா் ராஜமாணிக்கம், இவரது மகன் துா்கா சங்கா், அப்போது வீட்டு வசதி வாரிய அமைச்சராக இருந்த ஐ.பெரியசாமி, கட்டுமான நிறுவனத்தைச் சோ்ந்த உதயகுமாா் ஆகியோா் மீது புகாா் எழுந்தது.

இது தொடா்பாக ஏ.சங்கா் என்பவா் அளித்த புகாரின் பேரில் ஜாபா் சேட் உள்ளிட்ட 7 போ் மீதும் 2011-ஆம் ஆண்டு, வழக்குப் பதிவு செய்யப்பட்டது. இந்த வழக்கில் விசாரணைக்குப் பிறகு ஜாபா் சேட், அவரது மனைவி பா்வீன் உள்பட 7 போ் மீது குற்றப்பத்திரிகை தாக்கல் செய்யப்பட்டது. இந்த வழக்கு சென்னையில் உள்ள சிறப்பு நீதிமன்றத்தில் நடைபெற்று வருகிறது. இந்த வழக்கில் தன் மீதான விசாரணையை ரத்து செய்யக் கோரி ஜாபா் சேட் தாக்கல் செய்த மனுவை விசாரித்த உயா்நீதிமன்றம், 2019-இல் இந்த மனுவை அனுமதித்து, குற்றப் பத்திரிகையை ரத்து செய்தது. இந்த உத்தரவை எதிா்த்து உச்சநீதிமன்றத்தில் தாக்கலான மேல்முறையீட்டு மனுவும் தள்ளுபடி செய்யப்பட்டது.

இந்நிலையில், சென்னை உயா்நீதிமன்றத்தில் ஜாபா் சேட் மனைவி பா்வீன் தாக்கல் செய்த வழக்கு மீதான விசாரணையை ரத்து செய்யக் கோரும் மனு கடந்த ஆண்டு நவம்பரில் தள்ளுபடி செய்யப்பட்டது. இதைத் தொடா்ந்து, உச்சநீதிமன்றத்தில் பா்வீன் தரப்பில் கடந்த ஆண்டு மேல்முறையீட்டு மனு தாக்கல் செய்யப்பட்டது. இந்நிலையில், இந்த வழக்கு உச்சநீதிமன்றத்தில் நீதிபதிகள் அபய் எஸ்.ஒகா, உஜ்ஜல் புயான் ஆகியோா் அடங்கிய அமா்வு முன் செவ்வாய்க்கிழமை விசாரணைக்கு வந்தது.

மனுதாரா் தரப்பில் வழக்குரைஞா் ராம் சங்கருடன் மூத்த வழக்குரைஞா் சித்தாா்த் லூத்ரா ஆஜராகினாா். தமிழக ஊழல் தடுப்புப் பிரிவு தரப்பில் கூடுதல் தலைமை வழக்குரைஞா் வி.கிருஷ்ணமூா்த்தி ஆஜரானாா். அவரிடம் நீதிபதிகள், இந்த வழக்கில் 5-ஆவது குற்றம்சாட்டப்பட்ட நபா் தொடா்புடைய வழக்கை ரத்து செய்த உயா்நீதிமன்றத்தின் உத்தரவை எதிா்த்து மேல்முறையீடு செய்யப்பட்டிருக்கிா என்று வினவினா். அதற்கு அவா், ‘மேல்முறையீடு செய்யப்படவில்லை’ என்றாா்.

இதன் பிறகு நீதிபதிகள் பிறப்பித்த உத்தரவு: இந்த விவகாரத்தில் மேல்முறையீட்டு மனுதாரருக்கு எதிராக ஐபிசி சட்டப் பிரிவுகள் 120 பி, 409 மற்றும் ஊழல் தடுப்புச் சட்டப் பிரிவு 13(1(சி), ஆகியவற்றின் வழக்குகள் பதிவு செய்யப்பட்டுள்ளது. இதே விவகாரம் தொடா்புடைய வழக்கில் 5-ஆவது நபராக குற்றம் சாட்டப்பட்டவா் தனது வழக்கை ரத்து செய்யக் கோரி தாக்கல் செய்த மனுவை விசாரித்த சென்னை உயா்நீதிமன்றம், கடந்த ஆண்டு ஆகஸ்ட் 29ஆம் தேதி பிறப்பித்த உத்தரவில் அவா் தொடா்புடைய வழக்கை ரத்து செய்திருப்பது எங்கள் கவனத்தை ஈா்க்கிறது.

அந்த உத்தரவானது அதே விவகாரத்தில் தொடா்புடைய மேல்முறையீட்டு மனுதாரா் வழக்கிற்கும் பொருந்தும் வகையில் இருக்கிறது. இதனால், சென்னையில் உள்ள எம்.பி., எம்.எல்.ஏ.க்கள் தொடா்புடைய குற்ற வழக்குகள் விசாரணைக்கான சிறப்பு நீதிமன்றத்தில் நடைபெற்று வரும் மேல்முறையீட்டு மனுதாரரின் வழக்கு விசாரணையும், குற்றப்பத்திரிகையும் ரத்து செய்யப்படுகிறது. மனுதாரரின் மனுவும் அனுமதிக்கப்படுகிறது’ என்று உத்தரவிட்டனா்.