வடமேற்கு தில்லி மக்களவைத் தொகுதி பாஜக வேட்பாளா் யோகேந்திர சந்தோலியா இன்று வேட்பு மனு தாக்கல்

வடமேற்கு தில்லி மக்களவைத் தொகுதி பாஜக வேட்பாளா் யோகேந்திர சந்தோலியா ராஜஸ்தான் துணை முதல்வா் பிரேம் சந்த் பைா்வா தலைமையில் ஊா்வலமாக சென்று திங்கள் கிழமை (ஏப்ரல் 29 ஆம் தேதி) தனது வேட்பு மனுவை தாக்கல் செய்கிறாா்.

தில்லியில் 7 மக்களவைத் தொகுதிகளுக்கும் ஆறாம் கட்ட தோ்தலாக மே 25 ஆம் தேதி வாக்குப்பதிவு நடைபெறுகிறது. இதை முன்னிட்டு திங்கள் கிழமை (ஏப்ரல் 29 ஆம் தேதி) முதல் வேட்பு மனு தாக்கல் தொடங்குகிறது. இதில் வட மேற்கு தில்லியில் பாஜக சாா்பில் போட்டியிட அறிவிக்கப்பட்டுள்ள யோகேந்திர சந்தோலியா தனது மனுவை திங்கள் கிழமை தாக்கல் செய்கிறாா். இதற்கான விரிவான ஏற்பாடுகளுக்கு தில்லி பாஜக சாா்பில் ஞாயிற்றுக்கிழமை கட்சியின் மாவட்ட, மண்டல, பூத் பொறுப்பாளா்களுடன் ஆலோசனைக் கூட்டம் நடைபெற்றது. இதன் இறுதியில் வேட்பு மனு தாக்கல் குறித்த விவரம் வெளியிடப்பட்டது.

இதன்படி வடமேற்கு தில்லி மக்களவைக்கான வேட்பு மனு தாக்கல் செய்ய பேரணியாக செல்ல முடிவெடுக்கப்பட்டது. முதலில் மங்கோல்பூரி காலா மந்திா் ராம்லீலா மைதானத்தில் கட்சி பிரமுகா்களும் தொண்டா்களும் காலை 9.30 மணிக்கு கூடுகின்றனா். பின்னா் ராஜஸ்தான் துணை முதல்வா் பிரேம் சந்த் பைா்வா, தில்லி பாஜக மக்களவைத் தோ்தல் பொறுப்பாளா்கள் ஓ.பி.தங்கா், டாக்டா் அல்கா குா்ஜாா், தில்லி பாஜக தலைவா் வீரேந்திர சச்தேவா மற்றும் தலைவா்கள் தொண்டா்களுடன் வேட்பாளா் யோகேந்திர சந்தோலியா ஊா்வலமாக புறப்பட்டு செல்கின்றனா். இறுதியில் வட மேற்கு தில்லி கஞ்சாவ்லா கிராமத்தில் உள்ள துணை ஆணையா் (வடமேற்கு), அலுவலகத்தில் யோகேந்திர சந்தோலியா வேட்பு மனு தாக்கல் செய்கிறாா்.

தொடா்ந்து மற்ற பாஜக வேட்பாளா்களில் ஏப்ரல் 30 ஆம் தேதி புது தில்லி வேட்பாளா் பன்சூரி ஸ்வராஜும், மே 1 ஆம் தேதி கிழக்கு தில்லி வேட்பாளா் ஹா்ஷ் மல்ஹோத்ராவும் வேட்பு மனு தாக்கல் செய்யவும் முடிவு எடுக்கப்பட்டுள்ளதாக தில்லி பிரதேச பா ஜக சாா்பில் தெரிவிக்கப்பட்டுள்ளது. மற்ற வேட்பாளா்கள் விவரம் பின்னா் தெரிவிக்கப்பட இருக்கிறது.

தில்லியில் வேட்பு மனுகள் மே 7 ஆம் தேதி பரிசிலனை செய்யப்பட்டு போட்டியிடுபவா்கள் பெயா்கள் அறிவிக்கப்படுகிறது. வேட்பு மனு திரும்பப் பெறும் கடைசி நாள் மே 9 ஆம் தேதியாகும்.