திசையன்விளை மளிகை கடையில் திருட்டு
By DIN | Published On : 27th February 2022 05:38 AM | Last Updated : 27th February 2022 05:38 AM | அ+அ அ- |
திசையன்விளையில் மளிகை கடையின் கூரையை உடைத்து பொருள்கள் மற்றும் பணத்தை திருடிச் சென்றவா்களை போலீஸாா் தேடி வருகின்றனா்.
திசையன்விளை அருகே உள்ள அருள்நகரை சோ்ந்தவா் உதயகுமாா்(31). திசையன்விளை பிரதான சாலையில் மளிகை கடை நடத்தி வருகிறாா். இவா் சனிக்கிழமை காலையில் வழக்கம்போல் கடையை திறந்தபோது கடையின் மேற்கூரை உடைக்கப்பட்டிருப்பது கண்டு அதிா்ச்சியடைந்தாா். மேலும் கடையில் வைத்திருந்த ரூ. 50 ஆயிரம், கடையில் பொருத்தப்பட்டிருந்த கண்காணிப்பு கேமரா மற்றும் ரூ. 40 ஆயிரம் மதிப்புள்ள பொருள்கள் திருடு போனது தெரியவந்தது.
இதுகுறித்து திசையன்விளை போலீஸாா் வழக்குப் பதிந்து, கடையில் திருடிய மா்ம நபா்களை தேடி வருகின்றனா்.
முக்கிய செய்திகளை உடனுக்குடன் பெற... 'தினமணி'யின் வாட்ஸ்ஆப் செய்திச் சேவையில் இணைந்திருங்கள்...
தினமணி channel on WhatsApp: https://whatsapp.com/channel/0029Va60JxGFcowBIEtwvB0G
