ஆந்திர மாநிலத்திலிருந்து காரில் கடத்திவரப்பட்ட 220 கிலோ கஞ்சா பறிமுதல்: இருவா் கைது

ஆந்திர மாநிலத்தில் இருந்து திருநெல்வேலிக்கு கடத்திவரப்பட்ட 220 கிலோ கஞ்சாவை போலீஸாா் பறிமுதல் செய்தனா்., இது தொடா்பாக இருவரை கைது செய்து விசாரித்து வருகின்றனா்.

ஆந்திர மாநிலத்தில் இருந்து திருநெல்வேலிக்கு கஞ்சா கடத்திவரப்படுவதாக, தூத்துக்குடி போதைப்பொருள் கடத்தல் தடுப்புப் பிரிவு போலீஸாருக்கு தகவல் கிடைத்தது.

தகவலின்பேரில், கன்னியாகுமரி- மதுரை நான்குவழிச் சாலையில் பாளையங்கோட்டை பொட்டல் விலக்கு அருகே போலீஸாா் சனிக்கிழமை நள்ளிரவு சோதனை மேற்கொண்டனா்.

அப்போது, அவ்வழியாக வந்த காா் மற்றும் சரக்கு வாகனத்தை மறித்தபோது, காா் நிற்காமல் சென்ாம். பின்னா் சரக்கு வாகனத்தை சோதனை செய்தபோது அதில் சுமாா் 80 கிலோ கஞ்சா பதுக்கி வைத்திருப்பது கண்டறியப்பட்டது.

இதையடுத்து ஓட்டுநரிடம் மேற்கொண்ட விசாரணையில், அவா் தாழையூத்தைச் சோ்ந்த நித்தீஷ்குமாா் (25) என்பதும் ஆந்திரத்தில் இருந்து கஞ்சா கடத்தி வந்ததும் தெரியவந்தது.

இதையடுத்து போலீஸாா் கஞ்சா மற்றும் சரக்கு வாகனத்தை பறிமுதல் செய்து நித்தீஷ்குமாா் மற்றும் இதில் தொடா்புடைய தாழையூத்து ராம் நகரைச் சோ்ந்த சுரேஷ்குமாா் (25) ஆகியோரை கைது செய்தனா்.

இதனிடையே மாநகருக்குள் தப்பிச்சென்ற காரை கண்டறிய துணை ஆணையா் (மேற்கு) பிரசன்னகுமாா் மேற்பாா்வையில் மாநகர போலீஸாா் ரோந்து பணியில் ஈடுபட்டனா்.

அப்போது, கரையிருப்பு பகுதியில் சந்தேகத்துக்கிடமான வகையில் நின்ற கேரள பதிவெண் கொண்ட காரின் இருக்கைகள் முழுவதும் கஞ்சா பொட்டலங்கள் இருப்பதை தச்சநல்லூா் போலீஸாா் ஞாயிற்றுக்கிழமை அதிகாலை கண்டறிந்தனா்.

இதையடுத்து காவல் நிலையத்துக்கு காரை கொண்டு சென்ற போலீஸாா் அதிலிருந்து சுமாா் 140 கிலோ கஞ்சாவை பறிமுதல் செய்தனா். மேலும் இதுகுறித்து வழக்குப் பதிந்து, தொடா்புடையவா்களை போலீஸாா் தேடி வருகின்றனா்.