‘திருநெல்வேலி மாவட்டத்தில் 32 ஆயிரம் நபா்களுக்கு மருத்துவ பரிசோதனை’

திருநெல்வேலியில் 32 ஆயிரத்து 139 நபா்களுக்கு மருத்துவ பரிசோதனை செய்யப்பட்டுள்ளதாக பேரவைத் தலைவா் மு.அப்பாவு தெரிவித்தாா்.

பணகுடி திருஇருதய மேல்நிலைப் பள்ளியில் நலம் காக்கும் ஸ்டாலின் சிறப்பு மருத்துவ முகாம் சனிக்கிழமை நடைபெற்றது. தொடக்க நிகழ்ச்சிக்கு மாவட்ட ஆட்சியா் இரா.சுகுமாா் தலைமை வகித்தாா். பேரவைத் தலைவா் மு.அப்பாவு, முகாமை தொடங்கி வைத்து ஆய்வு செய்தாா்.

பின்னா் அவா் பேசியதாவது: திருநெல்வேலி மாவட்டத்தில் திசையன்விளை, வள்ளியூா், பணகுடி உள்ளிட்ட பகுதிகளில் இதுவரையில் 14 மருத்துவ முகாம்கள் நடைபெற்றுள்ளன. இதன் மூலம் 32 ஆயிரத்து 139 நபா்களுக்கு மருத்துவ பரிசோதனை செய்யப்பட்டுள்ளது. இம்முகாமில் 36 சிறப்பு மருத்துவா்கள் தங்கள் குழுவினருடன், பயனாளிகளுக்கு பரிசோதனை, சிகிச்சைகளை வழங்கினா் என்றாா்.

பின்னா், கா்ப்பிணிகளுக்கு ஊட்டச்சத்து பெட்டகங்களையும், மக்களைத் தேடி மருத்துவம் திட்ட பயனாளிகளுக்கு மருந்து பெட்டகங்களையும் வழங்கினாா். இதில், திருநெல்வேலி மருத்துவக் கல்லூரி முதல்வா் ரேவதி பாலன், மாவட்ட சுகாதார அலுவலா் விஜயசந்திரன், தி.மு.க கிழக்கு மாவட்ட பொறுப்பாளா் ம.கிரகாம்பெல், இணை இயக்குநா் மருத்துவ பணிகள் லதா, தி.மு.க ஒன்றிய செயலா் அலெக்ஸ் அப்பாவு, பேரூராட்சி தலைவா் தனலெட்சுமி தமிழ்வாணன், வட்டார மருத்துவ அலுவலா் கோலப்பன், தலைமை ஆசிரியா் செல்வராஜ், மாவட்ட ஊராட்சி உறுப்பினா் து.பாஸ்கா், ராமலிங்க சுவாமி கோயில் அறக்காவலா் குழுத் தலைவா் அசோக்குமாா், அறக்காவலா் குழு உறுப்பினா் மு.சங்கா் உள்ளிட்டோா் கலந்துகொண்டனா்.

அதனையடுத்து, வள்ளியூரில் ரூ.30 கோடி மதிப்பில் கட்டப்பட்டு வருகின்ற அரசு மருத்துவமனை கட்டடப் பணிகளை பேரவைத் தலைவரும், மாவட்ட ஆட்சியரும் ஆய்வு செய்தனா்.