செய்தி மடல்
இ-பேப்பர்
திருநெல்வேலி மாவட்டத்தில் நீதிமன்ற விசாரணைக்கு ஆஜராகாமல் தலைமறைவாக இருந்த 14 பேரை போலீஸாா் கைது செய்தனா்.
தீபாவளி பண்டிகை தினத்தில், குற்றச்செயல்கள் நிகழாதபடி, இம் மாவட்டம் முழுவதும் கண்காணிப்புப் பணியை தீவிரப்படுத்துமாறு காவல்துறை அதிகாரிகளுக்கு மாவட்ட காவல் கண்காணிப்பாளா் விஸ்வேஷ் பா. சாஸ்திரி உத்தரவிட்டிருந்தாா்.
அதன்பேரில், தீவிர பாதுகாப்பு நடவடிக்கைளை மேற்கொண்ட போலீஸாா், நீதி மன்ற பிடியாணை பிறப்பிக்கப்பட்டு தலைமறைவாக உள்ளவா்களை கைது செய்ய கடந்த 4 நாள்களாக சிறப்பு நடவடிக்கையில் ஈடுபட்டனா்.
அதில், வன்கொடுமை தடுப்புச் சட்ட வழக்குகள், திருட்டு, அடிதடி உள்ளிட்ட பல்வேறு குற்ற வழக்குகளில் கைதாகி பிணையில் வெளிவந்தபின், நீதிமன்றத்தில் ஆஜராகாமல் இருந்த 14 பேரை போலீஸாா் கைது செய்துள்ளனா் என, மாவட்ட காவல் துறை அலுவலகச் செய்திக்குறிப்பில் தெரிவிக்கப்பட்டுள்ளது.
பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.