இந்திரா காந்தியைக் கண்டாலே அச்சம்! பின்னர் அவரே அம்மாவாக மாறினார்: சோனியாசீனாவின் முதல் மின்சார விமானம்: பயணிகளுடனான சோதனை ஓட்டத்தில் வெற்றி!சோனியா காந்தி புத்தக வெளியீட்டு விழா! முதல்வர் விஜய் பங்கேற்பு! மண்டல பூஜைக்காக சபரிமலை நடை திறப்பு!டிசம்பர் 3-ல் கன்னியாகுமரி மாவட்டத்துக்கு உள்ளூர் விடுமுறை!

கொலை முயற்சி வழக்கில் முதியவருக்கு 10 ஆண்டுகள் சிறை

சிறை - பிரதிப் படம்

Updated On :

கொலை முயற்சி வழக்கில் முதியவருக்கு 10 ஆண்டுகள் சிறை தண்டனை விதித்து அம்பாசமுத்திரம் சாா்பு நீதிமன்றம் தீா்ப்பளித்தது.

அம்பாசமுத்திரம் அருகே பிரம்மதேசம், ஆத்தியடி வளவு பகுதியைச் சோ்ந்த சண்முகம் மகன் ஆறுமுகம் (65). இவா் அம்பாசமுத்திரம்-தென்காசி சாலையில் பெட்ரோல் விற்பனை நிலையம் நடத்தி வருகிறாா். கடந்த 2019ஆம் ஆண்டு இவருக்கும், அதே பகுதியைச் சோ்ந்த காசி மகன் மாயம்பெருமாள் (61), அவரது சகோதரா் நடராஜன் ஆகியோருக்கும் முன்விரோதம் ஏற்பட்டுள்ளது.

இதையடுத்து, மாயம்பெருமாள், நடராஜன் ஆகியோா் ஆறுமுகத்தை அம்பாசமுத்திரம் அரசு பெண்கள் மேல்நிலைப் பள்ளி அருகே அரிவாளால் வெட்டிக் கொலை செய்ய முயற்சித்துள்ளனா். இதில் காயமடைந்த ஆறுமுகம், அம்பாசமுத்திரம் காவல் நிலையத்தில் அளித்த புகாரின்பேரில், போலீஸாா் வழக்குப் பதிவு செய்தனா்.

அம்பாசமுத்திரம் சாா்பு நீதிமன்றத்தில் நடைபெற்று வந்த வழக்கை நீதிபதி மருதுபாண்டி விசாரித்து, மாயம்பெருமாளுக்கு 10 ஆண்டுகள் சிறை தண்டனை, ரூ. 2,000 அபராதம் விதித்து திங்கள்கிழமை தீா்ப்பளித்தாா். நடராஜன் வழக்கில் இருந்து விடுவிக்கப்பட்டாா்.

மாயம்பெருமாள் ஏற்கெனவே மற்றொரு கொலை வழக்கில், திருநெல்வேலி மாவட்ட நீதிமன்றத்தால் ஆயுள் தண்டனை விதிக்கப்பட்டு சிறையில் உள்ளாா் என்பது குறிப்பிடத்தக்கது.

பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.