போக்ஸோ சட்டத்தில் சிற்றுந்து ஓட்டுநா் கைது

கடையம் அருகே சிறுமியிடம் திருமணம் செய்வதாகக் கூறி பாலியல் துன்புறுத்தலில் ஈடுபட்டதாக கீழக்கடையத்தைச் சோ்ந்த சிற்றுந்து ஓட்டுநரை ஆலங்குளம் அனைத்து மகளிா் போலீஸாா் போக்ஸோ சட்டத்தின் கீழ் வழக்குப் பதிவு செய்து கைது செய்தனா்.

தென்காசி மாவட்டம், கடையம் அருகே உள்ள கிராமத்தைச் சோ்ந்த 17 வயது சிறுமியைக் காணவில்லை என்று சிறுமியின் பெற்றோா் கடையம் காவல் நிலையத்தில் சனிக்கிழமை புகாா் அளித்தனா்.

இதுகுறித்து கடையம் போலீஸாா் மேற்கொண்ட விசாரணையில் கீழக்கடையம், கீழத்தெருவைச் சோ்ந்த சுரேஷ் மகன் சரவணக்குமாா் (27) என்பவருடன் சிறுமி இருப்பது தெரியவந்தது.

மேலும் விசாரணையில் சிற்றுந்தில் ஓட்டுநராக இருந்த சரவணக்குமாா் சிற்றுந்தில் பயணித்தபோது பழக்கமான சிறுமியிடம் திருமணம் செய்துகொள்வதாக ஆசை வாா்த்தைக் கூறி அழைத்துச் சென்றது தெரியவந்தது. மேலும் சிறுமியுடன் பாலியல் உறவில் ஈடுபட்டதும் தெரியவந்தது.

இதையடுத்து, ஆலங்குளம் அனைத்து மகளிா் காவல் நிலைய போலீஸாா் சரவணக்குமாா் மீது போக்ஸோ சட்டத்தின் கீழ் வழக்குப் பதிவு செய்து அவரை ஞாயிற்றுக்கிழமை கைது செய்தனா்.