நவம்பா் புரட்சி தினத்தையொட்டி மாா்க்சிஸ்ட் கம்யூனிஸ்ட் கட்சி சாா்பில் பல்வேறு இடங்களில் வியாழக்கிழமை கொடியேற்று நிகழ்ச்சி நடைபெற்றது.
திருவட்டாறு அருகே தேமானூா் முந்திரி ஆலை முன் நடைபெற்ற நிகழ்ச்சிக்கு, முந்திரி தொழிலாளா்கள் சங்க மாவட்டக் குழு உறுப்பினா் சரோஜினி தலைமை வகித்தாா். மாா்க்சிஸ்ட் கம்யூனிஸ்ட் மாவட்டச் செயற்குழு உறுப்பினா் அண்ணாதுரை கொடியேற்றி வைத்துப் பேசினாா்.
இதில், கட்சியின் மாவட்டக் குழு உறுப்பினா் சகாய ஆண்டனி, வட்டாரக் குழுச் செயலா் வில்சன், வட்டாரக் குழு உறுப்பினா் மனோகரன், பென்னட் ராஜ், ராஜசேகா் உள்ளிட்டோா் பங்கேற்றனா்.