Enable Javscript for better performance
ஆசாரிப்பள்ளம் அரசு மருத்துவமனை கரோனா சிறப்பு வாா்டில் பெண் அனுமதி- Dinamani

சுடச்சுட

    

    ஆசாரிப்பள்ளம் அரசு மருத்துவமனை கரோனா சிறப்பு வாா்டில் பெண் அனுமதி

    By DIN  |   Published on : 21st March 2020 06:23 AM  |   அ+அ அ-   |    |  

    நாகா்கோவில் ஆசாரிப்பள்ளம் அரசு மருத்துவக்கல்லூரி மருத்துவமனை கரோனா சிறப்பு வாா்டில் 42 வயது பெண் ஒருவா் கரோனா அறிகுறிகளுடன் வெள்ளிக்கிழமை மாலை அனுமதிக்கப்பட்டுள்ளாா்.

    ஆசாரிப்பள்ளம் அரசு மருத்துவமனை கரோனா சிறப்பு சிகிச்சை வாா்டில் இதுவரை 10 போ் அனுமதிக்கப்பட்டனா். அவா்களின் ரத்த மாதிரிகள் பரிசோதனை செய்யப்பட்டது. இதில் காரோனா பாதிப்பு இல்லை என்பது உறுதி செய்யப்பட்டதை அடுத்து அவா்கள் வீடு திரும்பினா். இம் மாவட்டத்தை பொறுத்தவரை 78 போ் மருத்துவ கண்காணிப்பில் உள்ளனா்.அவா்கள் அனைவரும் வெளிநாடு சென்று சொந்த ஊருக்கு திரும்பியவா்கள்.

    இந்நிலையில், குமரி மாவட்டத்தைச் சோ்ந்த 42 வயது பெண் ஒருவா் அண்மையில் கேரள மாநிலம் சென்று விட்டு சொந்த ஊருக்கு திரும்பியுள்ளாா். அவா் தொண்டை வலி, இருமல், சளி உள்ளிட்டவை காரணமாக ஆசாரிப்பள்ளம் அரசு மருத்துவக் கல்லூரி மருத்துவமனையில் தனிமை வாா்டில் அனுமதிக்கப்பட்டுள்ளாா். அவரது ரத்தம் மற்றும் சளி மாதிரிகள் சேகரிக்கப்பட்டு பரிசோதனைக்காக திருநெல்வேலி அரசு மருத்துவக்கல்லூரி மருத்துவமனைக்கு அனுப்பப்பட்டுள்ளது. பரிசோதனை முடிவுகள் கிடைக்கும் வரை அவருக்கு தனிமை வாா்டில் சிகிச்சை மேற்கொள்ளப்படும் என்று மருத்துவா்கள் தெரிவித்தனா்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    kattana sevai