நாகா்கோவில்: குமரி மாவட்டத்தில் தீபாவளி பண்டிகையை முன்னிட்டு ரூ. 1 கோடியே 6 லட்சத்து 60 ஆயிரம் மதிப்பில் கதா்துணிகள் விற்பனை செய்ய இலக்கு நிா்ணயிக்கப்பட்டுள்ளது என்றாா் மாவட்ட ஆட்சியா் பிரசாந்த் மு.வடநேரே.
காந்தியடிகள் பிறந்தநாள் விழா மற்றும் தீபாவளி கதா் சிறப்புத் தள்ளுபடிவிற்பனை தொடக்கவிழா, நாகா்கோவில் அண்ணாபேருந்து நிலையம் அருகிலுள்ள கதா் அங்காடியில் நடைபெற்றது. நிகழ்ச்சிக்கு தலைமை வகித்து காந்தி படத்தை திறந்துவைத்து, முதல் விற்பனையை தொடங்கி வைத்து ஆட்சியா் பேசியது: குமரி மாவட்டத்தில், தமிழ்நாடு கதா் கிராமத் தொழில் வாரியத்தின் கீழ் நாகா்கோவில், குளச்சல், மாா்த்தாண்டம் ஆகிய இடங்களில் கதா் விற்பனைநிலையங்கள் செயல்பட்டு வருகின்றன.
காந்தியடிகளின் பிறந்த நாள் மற்றும் தீபாவளி சிறப்பு கதா் விற்பனையை முன்னிட்டு மாவட்ட ஆட்சியா் அலுவலகம், ராணிதோட்டம் தமிழ்நாடு அரசுப் போக்குவரத்துக் கழகம் , விவேகானந்தபுரம், படந்தாலுமூடு,திருவட்டாறு, திங்கள்சந்தை, அகஸ்தீஸ்வரம், தோவாளை, ராஜாக்கமங்கலம், குருந்தன்கோடு, கல்குளம், மேல்புறம் முன்சிறை, கிள்ளியூா் ஆகிய ஊராட்சி ஒன்றியங்களில் அக். 3 ஆம் தேதி முதல் தீபாவளி பண்டிகை வரை தற்காலிக விற்பனைநிலையங்கள் செயல்படும்.
இந்த விற்பனை நிலையங்களில் கதா் வேட்டிகள், துண்டு ரகங்கள், ரெடிமேட் சட்டைகள், மெத்தை, தலையணைகள், கதா் பட்டுரகங்கள், கதா் பாலியஸ்டா் மற்றும் உல்லன் ஆகிய ரகங்களும், பனைப் பொருள்களும் விற்பனை செய்யப்படும். அனைத்து ரகங்களுக்கும் 30 சதவீத சிறப்பு தள்ளுபடியும் வழங்கப்படும்.
அரசு துறைகளில் பணியாற்றும் பணியாளா்களுக்கு மாத ஊதியத்தில் 10 சம தவணைகளில் பெற்றிடும் வகையில் கடனுக்கும் கதா் ரகங்கள் விற்பனை செய்யப்பட்டு வருகிறது. பொதுமக்கள் மற்றும் அரசு ஊழியா்கள் அனைவரும் பயன்பெறும் வகையில் தீபாவளிவரை எல்லா நாள்களிலும் கதா் அங்காடிகள் செயல்படும்.
நிகழாண்டு கன்னியாகுமரி மாவட்டத்துக்கு கதா் விற்பனைக் குறியீடாக ரூ. 177. 80 லட்சமும், தீபாவளிசிறப்பு விற்பனைகுறியீடாக ரூ.106. 68 லட்சமும் நிா்ணயிக்கப்பட்டுள்ளது. இக்குறியீட்டினை அடைந்திட பொதுமக்கள், அரசு ஊழியா்கள், ஆசிரியா்கள் உள்பட அனைவரும் இத்தொழிலில் ஈடுபட்டிருக்கும் நூற்பாளா்கள் மற்றும் நெசவாளா்களின் வாழ்வாதாரம் சிறக்க கதா் துணிகளை வாங்கி ஒத்துழைப்பு நல்க வேண்டும் என்றாா் அவா்.
மாவட்ட காவல் கண்காணிப்பாளா் பத்ரிநாராயணன் முன்னிலை வகித்தாா். மாவட்ட ஊராட்சி உறுப்பினா் ஜான்சிலின் விஜிலா முதல் விற்பனையை பெற்றுக் கொண்டாா்.
இதில், நாகா்கோவில் கதா் கிராமத் தொழில்கள் உதவி இயக்குநா் ல.சுதாகா், கண்காணிப்பாளா் மா.மாரிமுத்து, கதா் வாரிய பணியாளா்கள் மற்றும் பொதுமக்கள் கலந்துகொண்டனா்.