நாகா்கோவில் மாநகராட்சி வாகன ஓட்டுநா் கரோனா தொற்று காரணமாக செவ்வாய்க்கிழமை உயிரிழந்தாா். இந்நிலையில் மாவட்டத்தில் மேலும் 78 பேருக்கு கரோனா தொற்று இருப்பது செவ்வாய்க்கிழமை உறுதி செய்யப்பட்டுள்ளது.
குமரி மாவட்டத்தில் 78 பேருக்கு தொற்று இருப்பது செவ்வாய்க்கிழமை உறுதி செய்யப்பட்ட நிலையில் பாதிப்புக்குள்ளானோா் எண்ணிக்கு 13,927ஆக அதிகரித்துள்ளது.
கரோனாவால் பாதிக்கப்பட்டு ஆசாரிப்பள்ளம் அரசு மருத்துவக் கல்லூரி மருத்துவமனையில் சிகிச்சை பெற்று வந்த நாகா்கோவில் மாநகராட்சி பொறியாளரின் காா் ஓட்டுநா் செவ்வாய்க்கிழமை உயிரிழந்தாா். மேலும் அக்கரை பகுதியைச் சோ்ந்த 63 வயது முதியவரும் கரோனாவுக்கு பலியாகியுள்ளாா். இதன் மூலம் பலியானோா் எண்ணிக்கை 238ஆக அதிகரித்துள்ளது. இதுகுறித்து மாவட்ட ஆட்சியா் பிரசாந்த் மு.வடநேரே வெளியிட்ட செய்திக் குறிப்பு: குமரி மாவட்டத்தில் இதுவரை 1,95,735 பேருக்கு கரோனா பரிசோதனை செய்யப்பட்டுள்ளது. தற்போது 606 போ் சிகிச்சையில் உள்ளனா். சிகிச்சை பெற்று வந்தவா்களில் குணமடைந்து செவ்வாய்க்கிழமை வீடு திரும்பிய 100 போ் உள்பட இதுவரை 13927 போ் குணமடைந்து வீடு திரும்பியுள்ளனா்.
முகக் கவசம் அணியாதது, சமூக இடைவெளியை பின்பற்றாதது போன்ற காரணங்களுக்காக 68 பேரிடமிருந்து அபராதமாக ரூ. 14500 செவ்வாய்க்கிழமை வசூலிக்கப்பட்டது.
பொது முடக்க உத்தரவை மீறிய வகையில் இதுவரை 8746 வழக்குகள் பதிவு செய்யப்பட்டு, 6344 வாகனங்கள் பறிமுதல் செய்யப்பட்டுள்ளன என செய்திக்குறிப்பில் தெரிவிக்கப்பட்டுள்ளது.