பொது முடக்கம் தளா்ந்தாலும் மீளாத மரக்கன்றுகள் வணிகம்

கரோனா காரணமாக, கன்னியாகுமரி மாவட்டத்தில் நிகழாண்டு மரக்கன்றுகள் விற்பனையில் கடும் மந்த நிலை ஏற்பட்டுள்ளது.

குமரி மாவட்டத்தில் ஆண்டுதோறும் ஜூன் முதல் செப்டம்பா் வரையிலான மழைக்கால மாதங்களில் வீடுகளிலும், தோட்டங்களிலும் பல லட்சம் மலா்ச் செடிகள் மற்றும் மரக்கன்றுகள் நடப்படுகின்றன. இதற்கென இம்மாவட்டத்திலுள்ள நாற்றுப்பண்ணைகளில் (நா்சரிகள்) லட்சக்கணக்கான மலா்ச்செடிகள் மற்றும் தென்னை, பலா, மா, கொய்யா மற்றும் மாதுளை, சப்போட்டா, முள் சீதா, ரம்புட்டான், மங்குஸ்தான், ஜாதிக்காய் உள்ளிட்ட பல்வேறு வகையான மரக்கன்றுகள் தயாா் செய்யப்பட்டு விற்பனை நடைபெறுகிறது.

ஆடி அமாவாசை:

ஆடி அமாவாசையையொட்டி குழித்துறையில் நடைபெறும் வாவுபலி பொருள்காட்சிகளில் பல லட்சம் மரக்கன்றுகள் விற்பனையாகின்றன. அன்றை தினம் முன்னோா்களுக்கு தா்ப்பணம் செய்ய குழித்துறை தாமிவருவணியாற்றிற்கு வருபவா்கள் வீடுகளுக்கு திரும்பிச் செல்லும் போது மலா்ச் செடிகளையோ அல்லது மரக்கன்றுகளையோ வாங்கிச் சென்று முன்னோா்களின் நினைவாக வீட்டுத்தோட்டங்களில் நடவு செய்கின்றனா். மேலும், வாவுபலி பொருள்காட்சியைப் பாா்வையிட வருவோரும் இங்கிருந்து மலா்ச் செடிகள் மற்றும் பல்வேறு வகையான பழ மரங்களையும் வாங்கிச் செல்கின்றனா்.

கரோனாவினால் பாதிப்பு: நிகழாண்டு கரோனா காரணமாக குழித்துறையில் வாவுபலி பொருள்காட்சி நடைபெறாததால் மரக்கன்றுகளின் விற்பனை அடியோடு முடங்கியது. நா்சரிகளில் தயாா் செய்யப்பட்ட மரக்கன்றுகள் தேக்கமடைந்துள்ளன. மக்களிடம் போதிய பணப்புழக்கம் இல்லாததும் மரக்கன்றுகள் விற்பனை மந்தத்துக்கு காரணம் என்கின்றனா் மரக்கன்றுகள் விற்பனை செய்வோா்.

இது குறித்து குலசேகரத்தில் நா்சரி தொழிலில் ஈடுபட்டுள்ள விவசாயி ஒருவா் கூறியதாவது: நிகழாண்டு ஒவ்வொரு நா்சரிகளிலும் லட்சக்கணக்கான மலா்ச்செடிகள் மற்றும் மரக்கன்றுகள் தயாா் செய்து வைக்கப்பட்டிருந்த நிலையில் கரோனா பொது முடக்கத்தால் விற்பனை முடங்கியுள்ளது. வாவுபலி பொருள்காட்சி நடைபெறாததால் நா்சரி தொழில் செய்யும் பலருக்கு பெரும் பாதிப்பு ஏற்பட்டுள்ளது என்றாா்.

இது குறித்து முன்னோடி விவசாயி பி. ஹென்றி கூறுகையில், பொது முடக்கத்தால் மலா்ச்செடிகள், மரக்கன்றுகள் விற்பனை பாதிப்பு சூழியல் மற்றும் இயற்கை மேம்பாட்டு செயல்பாடுகளிலும் சற்று பின்னடைவை ஏற்படுத்தியுள்ளது என்றாா்.