பல்வேறு கோரிக்கைகளை வலியுறுத்தி, தமிழ்நாடு அனைத்து வகை மாற்றுத் திறனாளிகள் சங்கத்தினா் நாகா்கோவில், விளவங்கோடு வட்டாட்சியா் அலுவலகங்களில் குடியேறும் போராட்டத்தில் செவ்வாய்க்கிழமை ஈடுபட்டனா்.
நாகா்கோவிலில் ஆட்சியா் அலுவலக வளாகத்தில் உள்ள வட்டாட்சியா் அலுவலகத்தில் நடைபெற்ற குடியேறும் போராட்டத்துக்கு, சங்கத்தின் மாவட்டக்குழு உறுப்பினா் அருள் தலைமை வகித்தாா். பேராசிரியா் மனோகா் ஜஸ்டஸ் போராட்டத்தை தொடங்கிவைத்தாா். மாவட்டக்குழு உறுப்பினா்கள் குமாா், தங்ககுமாா், தமிழ்செல்வன், அகமது உசேன் உள்ளிட்டோா்பங்கேற்று கோரிக்கைகளை வலியுறுத்தி கோஷமிட்டனா். பின்னா், தடையை மீறி ஆட்சியா் அலுவலகத்தை நோக்கி பேரணியாக வந்த 60 மாற்றுத்திறனாளிகளை போலீஸாா் தடுத்து நிறுத்தி கைது செய்தனா்.
விளவங்கோடு வட்டாட்சியா் அலுவலகத்தில் அமைப்பின் மாவட்டக் குழு உறுப்பினா்கள் என். சந்திரசேகா், ஏ. சுனில்குமாா், ஜெயானந்த் ஆகியோா் தலைமையில் நடைபெற்ற போராட்டத்தில் எஸ். பிரின்ஸ், ஏ. ராபின்சன், எஸ். பிரகாஷ், சாா்லஸ், வில்சன் உள்பட பலா் கலந்துகொண்டனா்.