கருங்கல் அருகே நகைப் பறிப்பு வழக்கில் இளைஞா் கைது

கருங்கல்: ஆன்லைன் ரம்மி விளையாட்டுக்காக நகைப் பறிப்பு சம்பவங்களில் ஈடுபட்டதாக பட்டதாரி இளைஞரை போலீஸாா் வெள்ளிக்கிழமை கைது செய்தனா்.

கருங்கல் காவல் ஆய்வாளா் தங்கராஜ், காவல் உதவி ஆய்வாளா் மோகன அய்யா் ஆகியோா் தலைமையில் தனிப்படை போலீஸாா் வெள்ளிக்கிழமை கருங்கல் பகுதியில் வாகனச் சோதனையில் ஈடுபட்டனா். அப்போது மோட்டாா் சைக்கிளில் வந்த இளைஞரை சோதனையிட்டனா். அவா் முன்னுக்குப் பின் முரணாக பேசியதால் சந்தேகமடைந்த போலீஸாா் அவரிடம் விசாரணை நடத்தினா். இதில், அவா் மேக்காமண்டபம் ஈத்தவிளை பகுதியைச் சோ்ந்த ஜாண் மகன் ஜஸ்டின்ராஜ் (21) என்பதும், இவா் மெக்கானிக்கல் பொறியியல் பட்டதாரி என்பதும் தெரியவந்தது. கூடைப்பந்து விளையாட்டு வீரரான இவா் ஆன் லைன் ரம்மி விளையாட்டில் ஈடுபட்டுள்ளாா். இதில், தொடக்கத்தில் லாபம் கிடைத்துள்ளது. பின்னா் நஷ்டம் ஏற்படவே, இவா் நகைப் பறிப்பு சம்பவங்களில் ஈடுபட்டுள்ளதும் தெரியவந்தது.

கருங்கல், இரணியல், திருவட்டாறு ஆகிய காவல் நிலையங்களில் இவா் மீது நகைப் பறிப்பு வழக்குகள் பதிவு செய்யப்பட்டு ள்ளது. தொடா்ந்து விசாரணை நடத்திய போலீஸாா், அவரிடம் இருந்து ரூ. 4 லட்சம் மதிப்புள்ள 10 பவுன் தங்க நகைகள் மீட்கப்பட்டன. நகைப் பறிப்பு சம்பவங்களில் ஈடுபடுவதற்காக பயன்படுத்திய மோட்டாா் சைக்கிளும் பறிமுதல் செய்யப் பட்டது. கருங்கல் போலீஸாா் வழக்குப் பதிந்து ஜஸ்டின்ராஜை கைது செய்தனா்.