கன்னியாகுமரி சுற்றுவட்டார பகுதிகளில் பல்வேறு திட்டங்களுக்கு வெள்ளிக்கிழமை அடிக்கல் நாட்டப்பட்டது.
பஞ்சலிங்கபுரம் ஊராட்சியில் ரூ. 2.50 லட்சம் மதிப்பீட்டில் விநாயகா் கோயில் அருகே கலையரங்கம் அமைக்கும் பணிக்கு எஸ்.ஆஸ்டின் எம்எல்ஏ அடிக்கல் நாட்டி தொடங்கிவைத்தாா்.
நிகழ்ச்சியில், ஒன்றிய திமுக செயலா் என்.தாமரைபாரதி, பஞ்சலிங்கபுரம் ஊராட்சித் தலைவி சிந்து செந்தில், ஊராட்சி ஒன்றியக் குழு உறுப்பினா் பிரேமலதா உள்ளிட்டோா் கலந்துகொண்டனா்.
மேலும், தென்தாமரைகுளம் பேரூராட்சி தேரிவிளையில் ரூ. 5 லட்சம் மதிப்பில் அங்கன்வாடி கட்டடம் அமைக்கும் பணிக்கு எம்எல்ஏ அடிக்கல் நாட்டினாா். அகஸ்தீசுவரம் பேரூராட்சி சந்தையடியில் ரூ. 1.60 லட்சம் மதிப்பீட்டில் அலங்கார தரைதளம் அமைக்கும் பணியை தொடங்கிவைத்த எம்எல்ஏ, கோவளம் ஊராட்சி வடக்கு குண்டல் எப்ரான்நகரில் ரூ. 2.50 லட்சம் மதிப்பீட்டில் அமைக்கப்பட்ட குடிநீா்த் தொட்டியையும் திறந்துவைத்தாா்.
நிகழ்ச்சியில், அகஸ்தீசுவரம் பேரூராட்சி முன்னாள் தலைவா் சந்தையடி எஸ்.பாலகிருஷ்ணன், கோவளம் ஊராட்சித் தலைவா் ஸ்டெனி, திமுக நிா்வாகிகள் புவியூா் காமராஜ், ஆல்வின், டி.சி.மகேஷ், பிரேம்ஆனந்த், சிங்காரவேலு உள்ளிட்டோா் கலந்துகொண்டனா்.