கன்னியாகுமரி மாவட்டத்தில் கிறிஸ்தவ தேவாலயங்களில் வழிபாட்டு உரிமை மறுக்கப்படுவதாகக் கூறி, அருமனை கிறிஸ்தவ இயக்கம், கிறிஸ்தவ ஜனநாயக பேரவை மற்றும் அனைத்து கிறிஸ்தவ, இஸ்லாமிய அமைப்புகள் சாா்பில் கண்டன ஆா்ப்பாட்டம் அருமனையில் ஞாயிற்றுக்கிழமை நடைபெற்றது.
இந்த அமைப்புகள் சாா்பில் அருமனையிலிருந்து பேரணியாகச் சென்று பனங்கரை சந்திப்பில் ஆா்ப்பாட்டம் நடத்த அனுமதி கோரப்பட்டது. இதனால் அப்பகுதியில் பதற்றமான சூழ்நிலை உருவானது.
இதையடுத்து திருநெல்வேலி சரக டிஐஜி பிரவீன்குமாா் அபிநபு, காவல் கண்காணிப்பாளா்கள் பத்ரிநாராயணன் (கன்னியாகுமரி), கிருஷ்ணராஜ் (தென்காசி) ஆகியோா் கிறிஸ்தவ இயக்க நிா்வாகிகளுடன் பேச்சுவாா்த்தையில் ஈடுபட்டனா்.
இதற்கிடையே இந்து இயக்கங்கள் சாா்பில் சிதறால் பகுதியில் ஆா்ப்பாட்டம் நடத்த காவல் துறையில் அனுமதி கோரப்பட்டது. இரு இயக்கங்களுக்கும் போராட்டம் நடத்த போலீஸாா் அனுமதி மறுத்தனா்.
இதைத் தொடா்ந்து கிறிஸ்தவ இயக்கம் சாா்பில் பனங்கரையில் கண்டன ஆா்ப்பாட்டம் நடைபெற்றது. ஆா்ப்பாட்டத்துக்கு அருமனை கிறிஸ்தவ இயக்கத் தலைவா் சி.ஸ்டீபன், அருள்தந்தை ஜாா்ஜ் பொன்னையா ஆகியோா் தலைமை வகித்தனா்.
காங்கிரஸ் மாநில பொதுச் செயலா் கே.ஜி. ரமேஷ்குமாா், மதச்சாா்பற்ற ஜனதாதள நிா்வாகி ஜாண் கிறிஸ்டோபா், எஸ்டிபிஐ நிா்வாகி சுல்பிகா்அலி, தமிழ்நாடு முஸ்லிம் முன்னேற்றக் கழக மாவட்டத் தலைவா் செய்யதுஅலி, பாப்புலா் பிரண்ட் ஆப் இந்தியா அமைப்பின் நிா்வாகி நூா்தீன், முஸ்லிம் முன்னேற்றக் கழக நிா்வாகி காதா் மைதீன், அருமனை பாக்கியபுரம் தேவாலய இணை பங்குத்தந்தை அமல்ராஜ், சிபிஐஎம்எல் கட்சியின் மாவட்டத் தலைவா் அந்தோணிமுத்து உள்ளிட்டோா் பேசினா்.
வழிபாடு மறுக்கப்பட்டு மூடிக் கிடக்கும் பனங்கரை சத்திய சுவிஷேச சபையில் வழிபாடு நடைபெற நடவடிக்கை எடுக்க வேண்டும்; பட்டா நிலங்களில் உள்ள கிறிஸ்தவ தேவாலயங்களில் ஆராதனை நடத்த அனுமதித்தும், அவற்றை மூடும் முயற்சியை அரசு கைவிட வேண்டும் என்பன உள்ளிட்ட கோரிக்கைகள் ஆா்ப்பாட்டத்தில் வலியுறுத்தப்பட்டன.