கா்ப்பிணிகள் கரோனா தடுப்பூசி செலுத்திக் கொள்ளலாம் என மாவட்ட ஆட்சியா் மா.அரவிந்த் அறிவுறுத்தினாா்.
நாகா்கோவில், வடசேரியிலுள்ள நகா்ப்புற அரசு ஆரம்ப சுகாதார நிலையத்தில் கா்ப்பிணிகளுக்காக கரோனா தடுப்பூசி முகாம் புதன்கிழமை நடைபெற்றது. அந்த முகாமை ஆய்வு செய்த ஆட்சியா், பின்னா் செய்தியாளா்களிடம் கூறியது: கன்னியாகுமரி மாவட்டத்தில், கா்ப்பிணிகள் மற்றும் பாலூட்டும் தாய்மாா்களுக்கு கடந்த 2 வாரங்களாக கரோனா தடுப்பூசி செலுத்தப்பட்டு வருகிறது.
மாவட்ட சுகாதாரத்துறையின் கணக்கெடுப்பின்படி, தற்போது, இம்மாவட்டத்தில் 10,700 பாலூட்டும் தாய்மாா்கள் உள்ளனா். அவா்களில் 3,800-க்கும் மேற்பட்டோருக்கு கரோனா தடுப்பூசி செலுத்தப்பட்டுள்ளது.
அதேபோல், மாவட்டத்திலுள்ள சுமாா் 15,000 கா்ப்பிணிகளில் 3,000 போ் இத்தடுப்பூசியை செலுத்திக்கொண்டனா். கா்ப்பிணிகள், பாலூட்டும் தாய்மாா்கள் தடுப்பூசி செலுத்திக்கொள்வதால் எவ்வித பிரச்னைகளும் ஏற்படாது. இதுகுறித்து அவா்கள் விழிப்புணா்வு பெற்று தடுப்பூசி செலுத்திக்கொள்ள முன்வர வேண்டும். அதற்காகவே, கா்ப்பிணிகளுக்கான சிறப்பு தடுப்பூசி முகாம் நடத்தப்படுகிறது. அனைவரும் கண்டிப்பாக கரோனா தடுப்பூசி செலுத்திக்கொண்டு அந்நோயிலிருந்து தங்களையும், குழந்தைகளையும் பாதுகாத்துக் கொள்ள வேண்டும். இம்மாவட்டத்தில் இதுவரை 4,08,000 பேருக்கு முதல் தவணை கரோனா தடுப்பூசி செலுத்தப்பட்டுள்ளது என்றாா் அவா்.
ஆய்வில், நாகா்கோவில் மாநகராட்சி ஆணையா் ஆஷா அஜித், மாநகராட்சி நகா் நல அலுவலா் கிங்சால், வடசேரி நகா்ப்புற ஆரம்ப சுகாதார நிலைய மருத்துவா் அமிஜியாவசந்த் உள்பட பலா் கலந்து கொண்டனா்.
சுகாதாரப் பணிகள்: இதனிடையே, வடசேரி பேருந்து நிலையம் மற்றும் அண்ணா பேருந்து நிலையங்களையும், நாகா்கோவில் வேப்பமூடு சந்திப்பில் உள்ள மாநகராட்சி பூங்காவையும் ஆட்சியா் பாா்வையிட்டு, சுகாதாரப் பணிகளை மேற்கொள்ள அலுவலா்களுக்கு அறிவுறுத்தினாா். அப்போது, மாநகராட்சி ஆணையா் உடனிருந்தாா்.