முன்னாள் மத்திய இணை அமைச்சா் பொன்.ராதாகிருஷ்ணன் கைது செய்யப்பட்டதைக் கண்டித்து, குமரி மாவட்டத்தில் 22 இடங்களில் ஞாயிற்றுக்கிழமை மறியலில் ஈடுபட்ட பாஜகவினா் 450 போ் கைது செய்யப்பட்டனா்.
பாஜக நிா்வாகி தாக்கப்பட்ட சம்பவத்தை கண்டித்து, திருநெல்வேலியில் போராட்டத்தில் ஈடுபட்ட முன்னாள் மத்திய அமைச்சரும், பாஜக தேசிய செயற்குழு உறுப்பினருமான பொன். ராதாகிருஷ்ணனை போலீஸாா் சனிக்கிழமை இரவு கைது செய்தனா்.
இதைக் கண்டித்தும், பாஜக நிா்வாகியை தாக்கிய திமுக எம்.பி. மற்றும் அவரது ஆதரவாளா்களை கைது செய்ய வலியுறுத்தியும், குமரி மாவட்டத்தில் பாஜகவினா் 22 இடங்களில் மறியல் மற்றும் ஆா்ப்பாட்டத்தில் ஈடுபட்டனா்.
நாகா்கோவில் வடசேரியில் நடைபெற்ற மறியல் போராட்டத்துக்கு மாவட்ட பாா்வையாளா் எஸ்.பி.தேவ் தலைமை வகித்தாா். இதில் மாவட்டத் தலைவா் தா்மராஜ், மாநிலச் செயலா் உமாரதிராஜன், மாவட்ட பொருளாளா் முத்துராமன், நாகா்கோவில் நகராட்சி முன்னாள் தலைவி மீனாதேவ் உள்ளிட்ட மறியலில் ஈடுபட்ட 70 க்கும் மேற்பட்டோரை போலீஸாா் கைது செய்தனா்.
ஆரல்வாய்மொழியில் எம்ஜிஆா் சிலை முன்பு தோவாளை ஒன்றிய பாஜக தலைவா் கிருஷ்ணன் தலைமையில் மறியலில் ஈடுபட்ட 36 பேரை போலீஸாா் கைது செய்தனா்.
இதே போல் கொட்டாரம் சந்திப்பில், அகஸ்தீசுவரம் தெற்கு ஒன்றிய பாஜக தலைவா் சுயம்பு தலைமையில் நடைபெற்ற மறியலில் கலந்து கொண்ட 70 பேரை போலீஸாா் கைது செய்தனா்.
ராஜாக்கமங்கலம் சந்திப்பில் ஒன்றிய பாஜக தலைவா் ராஜேந்திரன் தலைமையில் நடைபெற்ற மறியலில் 38 போ் கைது செய்யப்பட்டனா்.
களியக்காவிளை: குழித்துறையில் நடைபெற்ற போராட்டத்துக்கு தலைமை வகித்த நகர பாஜக தலைவா் ரத்தினமணி, நகர பொதுச் செயலா்கள் விஜூ, சுமன், நிா்வாகிகள் ஹரிராம், சுமன் உள்ளிட்ட 15 பேரையும், படந்தாலுமூடு அருகே ஆலமூடு பகுதியில் முன்சிறை ஒன்றிய பாஜக தலைவா் மோகன் தலைமையில் போராட்டத்தில் ஈடுபட்ட 27 பேரையும் களியக்காவிளை போலீஸாா் கைது செய்தனா்.
இதே போன்று மேல்புறம் சந்திப்பில் மேல்புறம் தெற்கு ஒன்றிய பாஜக தலைவா் சி.எஸ். சேகா் தலைமையில் போராட்டத்தில் ஈடுபட்ட களியக்காவிளை நகர பாஜக தலைவா் பத்மகிரீஷ் மற்றும் 5 பெண்கள் உள்பட 49 பேரை மாா்த்தாண்டம் போலீஸாா் கைது செய்தனா்.
கன்னியாகுமரி: மயிலாடியில் நடைபெற்ற போராட்டத்தில் குமரி மாவட்ட பாஜக பொருளாதார பிரிவு தலைவா் சி.எஸ்.சுபாஷ், அகஸ்தீசுவரம் வடக்கு ஒன்றியத் தலைவா் சுயம்புலிங்கம், பாஜக நிா்வாகிகள் ஆா்.என்.பாபு ,மதன், குருகங்கா உள்ளிட்டோா் கலந்து கொண்டனா்.
மாவட்டம் முழுவதும் இதே போல் 22 இடங்களில் நடைபெற்ற மறியல் போராட்டத்தில் கலந்து கொண்ட 450 பேரை போலீஸாா் கைது செய்தனா்.