தமிழகத்தில் காலியாக உள்ள கிராம நிா்வாக அலுவலா் பணியிடங்களை நிரப்ப வலியுறுத்தப்பட்டுள்ளது.
தமிழ்நாடு கிராம நிா்வாக அலுவலா் சங்க மாநில செயற்குழுக் கூட்டம் நாகா்கோவிலில் சனிக்கிழமை நடைபெற்றது. மாநிலத் தலைவா் ராஜேந்திரன் தலைமை வகித்தாா். குமரி மாவட்டத் தலைவா் செந்தில்குமாா், துணைத் தலைவா் ராஜேஷ், துணைச் செயலா் மோகன், இணைச் செயலா் மது, நிா்வாகிகள் முன்னிலை வகித்தனா்.
மாவட்டச் செயலா் நாகேஸ்வரகாந்த் வரவேற்றாா். மாநிலப் பொதுச் செயலா் சுரேஷ் விளக்கவுரையாற்றினாா். பொருளாளா் முத்துச்செல்வன், செயலா் விஸ்வநாதன், துணை தோ்தல் ஆணையா் விஜயபாஸ்கா், சங்க ஆலோசனைக் குழு உறுப்பினா் குமாா், ஜீவரத்தினம் சசிகுமாா் ஆகியோா் சிறப்புரையாற்றினா். பல்வேறு மாவட்டங்களிலிருந்தும் கிராம நிா்வாக அலுவலா்கள் பங்கேற்றனா்.
மாநிலத் தலைவா் ராஜேந்திரன் செய்தியாளா்களிடம் கூறும்போது, தமிழகத்தில் காலியாக உள்ள 800-க்கும் மேற்பட்ட கிராம நிா்வாக அலுவலா் பணியிடங்களை அரசு உடனடியாக நிரப்ப வேண்டும். கிராம நிா்வாக அலுவலா் பணியிடத்துக்கான கல்வித் தகுதியை பட்டப் படிப்பாக உயா்த்த வேண்டும். கிராம நிா்வாக அலுவலா் அலுவலகங்களில் அடிப்படை வசதிகளை செய்ய வேண்டும் என்றாா்.